Áfangakerfið
Skólaárinu er skipt í tvær annir, vorönn og haustönn. Kennt er í 14-15 vikur á hvorri önn. Haustönn hefst upp úr 20. ágúst ár hvert og lýkur með prófum fyrir jól. Vorönn hefst snemma í janúar og lýkur með prófum í maí. Alls er skólaárið 180 dagar. Brautskráningar fara fram í desember og maí ár hvert.
Áfangakerfið er einn af hornsteinum skólastarfs VMA. Allar námsbrautir eru settar saman úr áföngum eða áfangakeðjum sem síðan eru settir saman úr einingum. Ein eining svarar til 18 - 24 klukkustunda vinnu nemenda.
Námslok miðast við að nemendur hafi lokið tilskildum áföngum og einingafjölda samkvæmt námskrá brautar.
Áfangakerfið gerir nemendum kleift að skipuleggja nám sitt í skólanum og kemur til móts við nemendur, óskir þeirra, áhuga og hæfni. Nemendur geta að nokkru leyti ráðið námshraða sínum.
22. september 2016.