Starfsbraut (STB)

Brautarlýsing

Markmið starfsbrautar er að undirbúa nemendur undir lífið og þátttöku í atvinnulífinu eða frekara nám. Nemendahópurinn er breiður og námið er einstaklingsmiðað. Leitast er við að efla færni nemenda í íslensku, efla siðferðisvitund þeirra og ábyrgðarkennd, víðsýni, frumkvæði, sjálfstraust svo og umburðarlyndi. Einnig er leitast við að þjálfa nemendur í sjálfstæðum vinnubrögðum, jafnrétti og gagnrýninni hugsun, þeim kennt að njóta menningarlegra verðmæta og þeir hvattir til þekkingarleitar.

Nánari upplýsingar um brautina er hægt að nálgast hér.

Inntökuskilyrði

Nemendur sem uppfylla ekki skilyrði inn á aðrar námsleiðir sökum námserfiðleika eða langvarandi fjarveru í grunnskóla.

Annarplan

Íslenska er í kjarna allra nemenda allar annir, röð áfanga má sjá í töflu 2 hér fyrir neðan, eins er hægt að sjá röðina á ensku áföngunum þar en enska er ekki í kjarna allar annir. Nemendur geta þó allajafnan valið sér ensku í opnu vali kjósi þeir að gera það.

Hér má sjá röð áfanga í íslensku og ensku. Enginn þessara áfanga hefur sér undanfara heldur er markmiðið að þjálfa nemendur í almennri færni sem nýtist þeim annað hvort út í lífið eða yfir í svokallaða ÁÁ-áfanga (sjá hér fyrir neðan).

Þeir nemendur sem hafa náð færni til að takast á við áfanga til stúdentsprófs í íslensku, ensku og stærðfræði geta gert það á sínum hraða innan starfsbrautar. Nái nemandi ekki að klára efni áfanga á einni önn flytur hann það sem hann er búinn með yfir á næstu önn á eftir, hvort sem það er milli haust- og vorannar eða vor- og haustannnar.

Val fyrir vorönn 2026

Val fyrir nemendur á 1. námsári

Val fyrir nemendur á 2. námsári

Val fyrir nemendur á 3. námsári

Val fyrir nemendur á 4. námsári