STÆF2ÁÁ05S - Stærðfræði með áherslu á stúdentsprófsáfanga

Lýsing

Áfangalýsing:

Í áfanganum er lögð megináhersla á að nemendur fái tækifæri og aðstoð við að taka efni ýmissa stærðfræðiáfanga á eigin forsendum og hraða. Áfanginn er einnig hugsaður til að vekja áhuga á stærðfræði, að nemendur fái jákvæða mynd af faginu, öðlist aukið sjálfstraust, öðlist vilja til að ná eigin markmiðum og auki getu sína til að leysa stærðfræðileg viðfangsefni. Nemendur fara eftir námsáætlun og námsmati áfangans sem þeir eru í hverju sinni en á eigin hraða sem hentar hverjum og einum. Nemendur fást meðal annars við útreikninga og stærðfræðileg hugtök sem eru notuð í daglegu lífi og áhersla er lögð á að þeir tileinki sér vönduð vinnubrögð og vandaðar aðferðir við lausn þeirra verkefna sem fyrir liggja hverju sinni.

Markmið:

Þekkingarviðmið - Nemandi skal hafa öðlast þekkingu og skilning á:

• reikniaðgerðum og forgangsröð reikniaðgerða
• reikningi með almennum brotum og tugabrotum
• grunnatriði í prósentureikningi og í bókstafa- og jöfnureikningi
• notkun reiknivélar og algengra forrita við lausn verkefna
• þeim þáttum sem við eiga í hverjum áfanga fyrir sig

Leikniviðmið - Nemandi skal hafa öðlast leikni í að:

• beita undirstöðuatriðum talnareiknings og forgangsröðun aðgerða
• nota algeng stærðfræðitákn og túlka þau í mæltu máli
• reikna einföld hlutfalla- og prósentuverkefni, almenn brot og tugabrot
• reikna bókstafareikning og jöfnur og nota þáttun, liðun, veldi og rætur
• nota reiknivél og algeng forrit við úrlausn einfaldra dæma
• þeim þáttum sem við eiga í hverjum áfanga fyrir sig

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• vinna skipulega og sjálfstætt að lausn dæma og geta miðlað lausnum sínum
• setja úrlausnir sínar fram skriflega á skiljanlegan og snyrtilegan hátt
• vinna sjálfstætt og í samvinnu við aðra með ýmiskonar aðferðir í stærðfræði
• skilja einfaldar reikniaðgerðir, prósentureikning, brotareikning og forgangsröð aðgerða ofl.
• skilja merkingu helstu stærðfræðitákna og hugtaka í námsefninu
• skiptast á skoðunum við lausn fjölbreyttra verkefna og geta metið hvort svörin eru raunhæf
• ná tökum á þeim þáttum sem við eiga í hverjum áfanga fyrir sig