Kjötiðn

Brautarlýsing

Kjötiðnaðarmaður útbýr kjöt og kjötrétti í neytendapakkningar, setur upp kjötborð og afgreiðir viðskiptavini. Hann starfar m.a. í kjötvinnslu, í kjötdeildum verslana, í sláturhúsum eða við sölu á matvælum. Hann ber ábyrgð á útkomu vinnu sinnar gagnvart viðskiptavinum. Kjötiðnaðarmaður vinnur í samræmi við gæðaferla og gæðastaðla um innra eftirlitskerfi vinnustaða, vinnureglur um rekjanleika vöru og þjónstu sem og á afgreiðslu á vörum og þjónustu og almennar siðareglur. Kjötiðn er löggilt iðngrein.

Nánari upplýsingar um brautina er hægt að nálgast hér.

Inntökuskilyrði

Nemendur þurfa að vera á samningi í greininni við upphaf náms.

Annarplan

Kjötiðn er verklegt og bóklegt fagnám sem lýkur með sveinsprófi á 3. hæfniþrepi. Námið er 288 einingar og fer fram í skóla (88 ein.) og á viðurkenndum starfsnámsstöðum (200 ein.) sem hafa rétt til að taka nemendur á námssamning. Nemandinn þarf að gera samning um ferilbók áður en hann hefur nám á námsbraut.

ATH! Hópur byrjaði á haustönn 2023 og ekki hefur verið ákveðið hvenær hópur mun fara næst af stað, sem ræðst fyrst og fremst af nemandafjölda í greininni.
Nánari upplýsingar veitir sviðsstjóri verknáms í síma 464-0300.

*Námið er skipulagt sem 3 annir í skóla, sem þó eru ekki kenndar í samfellu, og ræður framvinda rafrænnar ferilbókar tíma á starfsnámsstað. Til að ljúka námi í kjötiðn þarf að ljúka öllum þáttum námsins, þ.m.t. vinnustaðanámi/starfsþjálfun sem staðfest er með lokum á rafrænni ferilbók. Eftir útskrift getur nemandinn þreytt sveinspróf.

 Viðbótarnám til stúdentsprófs að loknu starfsnámi