Ný reglugerð um vinnustaðanám tók gildi 1. ágúst 2021. Vinnustaðanám er hluti af náms­skipu­lagi þeirra nem­enda sem hófu nám á haustönn 2021. Frá þeim tíma sjá fram­halds­skólar um gerð og staðfest­ingu vinnustaðanáms­samn­inga og hafa eft­irlit með þeim. Sjá nánari upp­lýs­ingar um samnings- eða skólaleið.  

Nemendur sem hefja vinnustaðanám eftir gildistöku reglugerðarinnar vinna samkvæmt ferilbók sem gefin er út af Menntamálastofnun.  Hér má sjá kennslumyndband fyrir til­sjónaraðila og leiðbeiningar frá Mennta­mála­stofnun.  

Hvernig á að sækja um til að hefja vinnustaðanám?

Nem­endur Verkmenntaskólans sem óska eftir að fara hefja vinnustaðanám sækja um á heimasíðu skólans.  Nem­endur sem voru inn­ritaðir í skóla og byrjaðir í vinnustaðanámi áður en núgild­andi reglugerð nr. 180/​2021 tók gildi þann 1. ágúst 2021 án þess að fyrir lægi náms­samn­ingur geta óskað eftir að ljúka námi skv. eldra fyr­ir­komu­lagi.

Samningsleið

Hæfni­kröfur sem nem­andi upp­fyllir ræður tíma­lengd vinnustaðanáms. Vinnu­staða­nám getur þó aldrei orðið lengra en upp­gefin tíma­mörk í náms­brauta­lýs­ingum viðkom­andi greinar.  Vinnustaðanámi telst lokið þegar hæfni nem­anda er náð sam­kvæmt fer­ilbók.

Grunn­reglan er áfram sú að nem­endur sæki sitt vinnustaðanám undir handleiðslu meistara/tilsjónarmanns á vinnustað.

Í samn­ingsleið er gerður samn­ingur milli skóla, nem­anda og iðnmeistara/​fyr­ir­tækis/​stofn­unar um vinnu­staða­nám nem­andans sam­kvæmt hæfni­kröfum fer­il­bókar. Ekki er skilyrði að einn vinnustaður taki að sér alla þætti fer­il­bóka. Tvö eða fleiri fyr­ir­tæki geta skipt með sér verkþáttum fer­il­bókar og er náms­samn­ingur und­ir­ritaður í sam­ræmi við það.  Samn­ing­urinn er raf­rænn og stofnaður og und­ir­ritaður í fer­ilbók.  

Skráning fyrirtækja/meistara/stofnana

Fyrirtæki sem bjóða upp á vinnustaðanám þurfa að vera skráð í birtingaskrá ferilbókar áður en gengið er frá samningi.  Fyr­ir­tæki sækir um aðgang að fyr­ir­tækja­hluta raf­rænnar fer­il­bókar og stofnar umsókn til þess að geta tekið nem­endur á samning. Sótt er um á vefnum ferilbok-vinnustadir.inna.is og fær Mennta­mála­stofnun umsóknina til afgreiðslu. 

Birtingaskrá – Leiðbeiningar fyrir fyrirtæki 

Birtingaskrá – Skráning í ferilbók

Kennslumyndband fyrir tilsjónaraðila

Ný reglugerð um vinnustaðanám

Nánari upplýsingar veitir sviðsstjóri verknáms anna.m.jonsdottir@vma.is