Um bókasafnið

Hlutverk og markmið bókasafns VMA

Hlutverk bókasafns VMA er að vera upplýsingamiðstöð og vinnustaður fyrir nemendur og kennara.
Það skal búið bókum, tímaritum og kennslugögnum auk annars safnkosts sem tekur mið af kennslugreinum VMA og fjölbreyttum nemendahópi. 
Á bókasafninu er jafnframt vinnuaðstaða, lesstofa og tölvustofur. 

Lögð er áhersla á að nemendur þjálfist í sjálfstæðri leit og mati á upplýsingum og notkun rafrænna gagnasafna.

Reglur bókasafnsins

• Allar bækur sem fengnar eru að láni og farið með út af safninu, verður að skrá út.
• Hljóðleg umgengni er nauðsynleg til að vinnufriður haldist.
• Neysla matar og drykkjar er ekki leyfð.

Safnakennsla

• Á hverju ári koma allir nýnemar í safnakynningu. Þar fá þeir að spreyta sig í að nota leitir.is og æfa sig í notkun handbóka.
• Hópar eldri nemenda koma í safnakennslu í tengslum við verkefni og ritgerðir sem þeir eru að vinna.
• Lokaverkefnisnemar fá markvissa kennslu í leit gæðaheimilda og vinna lokaverkefni sín með stuðningi starfsfólks bókasafns.

Verum gagnrýnin þegar við veljum inn heimildir

Hægt er að spyrja sig eftirfarandi spurninga:

• Hver er höfundur?
• Hvar birtist greinin?
• Hvenær birtist hún?
• Hvernig heimild er þetta (frumheimild, er heimildaskrá, er hún kostuð af einhverjum... )?

Prentun, ljósritun og skanni

Prentari, með ljósritun og skanna er á safninu og fá nemendur 100 blaða kvóta í upphafi annar.

Tölvukostur safnsins

Á safninu er hægt að fá tölvur að láni, ýmist Windows eða Chromebook, allt hvað hentar hverju sinni.