Húsasmíði - Kvöldnám

Brautarlýsing

Miðað er við að nemandi hafi náð 22 ára aldri og/eða hafi viðeigandi starfsreynslu. Nemendur sem eru að vinna í faginu ganga fyrir í inntöku. Nemendur sem hafa undirgengist raunfærnimat fá viðkomandi áfanga metna. Ef fleiri sækja um nám á brautinni en skólinn getur tekið við getur inntökuviðmið orðið hærra en lágmarkið.

Nemendur með annað móðurmál en íslensku þurfa að hafa lokið námsefni í íslensku sem nemur B1 samkvæmt evrópska tungumálarammanum við innritun á brautina.

Athugið að auk ofangreindra áfanga þurfa nemendur að ljúka ÍSLE2HS05, ENSK2LS05, STÆF2RH05 og SKYN2EÁ01 til að uppfylla kröfu brautarinnar. Almennar greinar, þurfa nemendur að taka í dagskóla, fjarnámi eða hjá símenntunarmiðstöðvum en æskilegt er að almennum greinum sé að mestu lokið. 

Kennslufyrirkomulag / Námsframvinda

 Miðað verður við kennslu faggreina þrjá  daga í viku mánudaga til miðvikudaga  klukkan 17:00- 21:00. Almennar greinar, t.d. íslensku og stærðfræði, þurfa nemendur að taka í dagskóla, fjarnámi eða hjá símenntunarmiðstöðvum en æskilegt er að almennum greinum sé að mestu lokið.

Námið er fjórar annir í skóla. Til viðbótar við skólatímann kemur áskilinn samningur hjá meistara þar sem nemendur vinna að verkþáttum skv. rafrænni ferilbók

Til að ljúka námi í húsasmíði þarf að ljúka öllum hlutum náms, þ.m.t. vinnustaðanámi/starfsþjálfun sem staðfest er með lokum á rafrænni ferilbók. Eftir útskrift getur nemandinn þreytt sveinspróf.

Annarplan kvöldskóla í húsasmíði