ENSK1GÞ04S - Bókmenntaverk frá ýmsum enskumælandi löndum

Lýsing

Áfangalýsing:

Markmið áfangans er að auka grundvallarfærni nemandans í tungumálinu og lögð sérstök áhersla á lestur léttra bókmenntatexta frá enskumælandi löndum. Farið er í stytta skáldsögu og áhersla lögð á innihald textans notast er við hlustun í yfirferð hluta lestraefnisins. Lögð eru fyrir stutt ritunarverkefni. Ritun er bæði tengd lesnu efni og áhugasviði nemanda.

Þekkingarviðmið

Nemandi skal hafa öðlast þekkingu og skilning á:

· algengum orðum og orðasamböndum í rituðu og töluðu máli

· réttri stafsetningu algengra orða sem koma fyrir í námsefni

· almennum rauntextum og einföldum bókmenntaverkum

· notkun hjálpargagna, svo sem notkun stafrænna orðabóka og leiðréttingaforrita

Leikniviðmið

Nemandi skal hafa öðlast leikni í að:

· byggja upp og bæta orðaforða sinn með ýmsum aðferðum sem hentar hverjum og einum

· beita grunnreglum enskrar málfræði í tali og ritun

· skilja talað mál um kunnugleg efni þegar talað er skýrt

· skilja almenna texta og einfalda bókmenntatexta

· nota upplýsingatækni og hjálpargögn í tungumálanámi

· skrifa stutta texta um málefni sem hann hefur kynnt sér

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

· nýta orðaforða sinn á skýran og skilmerkilegan hátt í tal- og ritmáli

· tileinka sér aðalatriðin í stuttum bókmenntatextum

· nýta sér upplýsingar sem koma fram í útvarpi, sjónvarpi og netmiðlum

· taka þátt í umræðum

· endursegja efni sem hann hefur lesið eða heyrt

· taka þátt í umræðum um ýmisleg málefni og taka tillit til skoðana annarra