UPPT1AF02S - Upplýsingatækni með áherslu á notkun algengra forrita

Lýsing

Áfangalýsing:

Áhersla er á upplýsingalæsi í víðu samhengi og nemendur fá að kynnast ýmsum hliðum sem snúa að upplýsingatækni. Farið verður í grunnatriði í tölvumálum, reglur sem gilda í tölvusamskiptum og umgengni við tölvukerfi skólans. Nemendur munu kynnast og vinna í helstu kennslukerfum skólans jafnt og þétt yfir önnina. Áhersla verður á að efla færni nemenda í vinnu með ritvinnslu-, glæru-/kynningar- og reikniforrit. Einnig verða forrit sem hægt er að nálgast á netinu skoðuð og nemendur vinna í þeim ýmis verkefni.

Markmið:

Þekkingarviðmið:

Nemandi skal hafa öðlast þekkingu og skilning á:

• að tölvur eru stór hluti af daglegu lífi okkar

• mikilvægi þess að fylgja ákveðnum umgengisreglum við tölvunotkun

• því að vanda tölvusamskipti eins og önnur samskipti
• mikilvægi þess að kunna að setja upp aðgengilegan texta, skjöl og ýmsar kynningar

Leikniviðmið:

Nemandi skal hafa öðlast leikni í að:

• að greina á milli þess hversu áreiðanlegar upplýsingar eru á netinu

• að nýta sér netið á öruggan og ánægjulegan hátt

• vinna með ýmis tölvuforrit
• tjá sig á viðeigandi hátt í gegnum tölvusamskipti

Hæfniviðmið:
Nemandi skal geta hagnýtt þá almennu þekkingu og leikni sem hann hefur aflað sér til að:

• lesa í og/eða nýta sér upplýsingar sem koma fram á síðum um örugga netnotkun

• auka sjálfstraust sitt og trú á eigin tölvulæsi

• lesa í mismunandi tölvuumhverfi í þeim tilgangi að átta sig á hvað er viðeigandi hverju sinni

• lesa í leik- og samskiptareglur

• senda frá sér vel uppsett skjöl og ritaðan texta á skilmerkilegan og snyrtilegan hátt