ÍSLE1ÁB04S - Áhersla á goðafræði, íslensk og önnur

Lýsing

Í áfanganum er unnið með alla þætti íslenskunnar, einkum læsi, hlustun og tjáningu. Lögð er áhersla á umfjöllun og kynningu á norrænni goðafræði og goðafræði annarra menningarheima. Farið verður í fjölbreytt viðfangsefni og áhersla verður á að nemendur viðhaldi og byggi ofan á grunn sem þeir hafa nú þegar.

Markmið:

Þekkingarviðmið - Nemandi skal hafa öðlast þekkingu og skilning á:

• grunnatriðum í norrænni goðafræði
• goðafræði ólíkra heimshluta
• mikilvægi þess að láta skoðanir sínar í ljós og bera virðingu fyrir skoðunum annarra

Leikniviðmið - Nemandi skal hafa öðlast leikni í að:

• setja fram stutta og skýra texta
• að taka þátt í umræðum og hlusta á sjónarmið annarra af virðingu
• leita upplýsinga á ólíku formi (net, bækur, annað)
• skilja og meðtaka upplýsingar úr textum og öðrum upplýsingagjöfum

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• tjá sig í hóp og virða skoðanir annarra
• geta miðlað eigin skoðunum og vitneskju á ólíkan hátt
• leitast við að tileinka sér gagnrýna hugsun (spyrja spurninga) í upplýsingaöflun og tjáningu