LOVE1ST02S - Lokaverkefni starfsbrautar

Lýsing

Áfangalýsing:

Í áfanganum vinnur nemandi á síðasta námsári að ýmsum verkefnum sem dýpka eigin þekkingu og færni að miðla viðfangsefnum eftir áhugasviði. Unnið er sérstakt lokaverkefni í áfanga og er framsetning og útfærsla þess fjölbreytt. Áfanga líkur á þátttöku í lokaverkerkefnissýningu þar sem nemendur kynna eigið verkefni. Nemandi fylgist með eigin vinnu og frammistöðu í gegnum önnina í samvinnu við kennara og nemendahóp. Nemandi tekur þátt í sameiginlegum verkefnum hópsins sem og að undirbúa og setja upp lokaverkefnisdaginn á vegum hópsins.

Markmið:

Þekkingarviðmið - Nemandi skal hafa öðlast þekkingu og skilning á:

• tilteknum viðfangsefnum sem hann hefur valið sér

• mikilvægi afmörkunar í efnisvali

• mikilvægi skipulags og vinnubragða í verkefnavinnu

• hvernig setja eigi upp stærri sameiginleg verkefni eða sýningu

Leikniviðmið - Nemandi skal hafa öðlast leikni í að:

• setja fram hugmyndir á ólíkan hátt

• vinna með eigin hugmyndir og áhugamál og miðla til annarra

• skrásetja eigin vinnu og ígrunda hana

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• undirbúa og setja upp sýningu

• tjá sig um eigin hugðarefni og annarra

• taka þátt í samræðum um fjölbreytt viðfangsefni

• vinna í hópi mismunandi nemenda