STAR1ST01S - Náms og starfsfræðsla með áherslu á byrjun starfsferils

Lýsing

Áfangalýsing:

Í áfanganum kynnast nemendur helstu atvinnufyrirtækjum í nærsamfélaginu og þeim möguleikum sem þau bjóða upp á með tilliti til atvinnuþátttöku. Nemendur undirbúa sig fyrir starfsnám með gerð gagna sem hjálpa þeim við að komast á vinnumarkaðinn ásamt því að finna hvar áhugasvið þeirra liggur á vinnumarkaði. Nemendur fá kynningu á helstu reglum (skrifuðum sem óskrifuðum) sem gilda á vinnustöðum og farið verður yfir almenn samskipti á vinnustað. Nemandinn undirbýr starfsnám fyrir næstu önn.

Markmið:

Þekkingarviðmið

Nemandi skal hafa öðlast þekkingu og skilning á:

• atvinnutækifærum og fyrirtækjum í nærsamfélaginu

• þeim atriðum sem taka ber tillit til við starfsval

• tilgangi starfa og mikilvægi þeirra í tengslum við önnur störf

• eigin styrkleikum og mikilvægi góðra samskipta

• fjölbreyttum starfsheitum

Leikniviðmið

Nemandi skal hafa öðlast leikni í að:

• meta eigin áhuga með tilliti til starfsvals

• Hafi gögn og kunnáttu til að sækja um starf

• bera ábyrgð á sjálfum sér og eigin gjörðum, t.d. að mæta á réttum tíma til vinnu

• taka þátt í samræðum, bera virðingu fyrir skoðunum annarra og sýna umburðarlyndi

• tengja viðeigandi starfsheiti við vinnustaði

• taka þátt í umræðum um ákveðin starfsheiti og sækja sér upplýsingar um ný og framandi starfsheiti

• vinna úr vettvangsheimsóknum með ýmsu móti

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• taka þátt í atvinnulífinu

• velja sér starfsvettvang

• vera ábyrgur starfsmaður og hæfur til samvinnu

• þekkja mismunandi starfsheiti og átta sig á hlutverkum sem í þeim felst

• átta sig á mismunandi kröfum og/eða menntun sem liggja að baki ýmissa starfsheita

• taka þátt í atvinnulífinu og gera sér grein fyrir samhengi milli atvinnugreina

• þekkja viðeigandi hegðun í vettvangsheimsóknum og í starfsnámi