ÍSLE2ÁÁ05S - Íslenska með áherslu á stúdentsprófsáfanga

Lýsing

Í áfanganum er lögð megináhersla á að nemendur fái tækifæri og aðstoð við að taka efni ákveðinna íslenskuáfanga á eigin forsendum og hraða. Áfanganum er ætlað að efla sjálfstraust nemenda og vilja þeirra til að ná eigin markmiðum. Nemendur verða þjálfaðir í að nýta sér hjálpargögn s.s. yfirlestrarforrit og orðabækur/tölvuorðabækur til að bæta og lagfæra eigin texta. Notast verður við námsefni úr almennum áföngum í VMA (ÍSLE1FL05, ÍSLE2HS05 og ÍSLE2KB05).

Markmið:

Þekkingarmarkmið

Nemandi skal hafa öðlast þekkingu og skilning á:

• grunnhugtökum í stafsetningu, bókmenntafræði, málfræði og ljóðgreiningu
• helstu reglum í tengslum við ritun
• mikilvægum atriðum sem einkenna góða framsögn og umræður
• notkun hjálpargagna
• mikilvægi þess að búa að góðri lestrarfærni og lesskilningi

Leikniviðmið

Nemandi skal hafa öðlast leikni í að:

• greina hefðbundin ljóð með tilliti til myndmáls, stílbragða og bragfræði
• lesa sér til gagns og gamans skáld- og smásögur og greina inntak þeirra
• skrifa mismunandi gerðir texta og tjá sig munnlega og skriflega
• taka aðalatriði úr texta og átta sig á meginefni hans
• beita viðeigandi hjálpargögnum við frágang ritsmíða
• vinna fjölbreytt verkefni þar sem reynir m.a. á sköpun og frumkvæði

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• fjalla um inntak skáld- og smásagna, lesa og túlka texta
• greina einföld atriði í málfræði og stafsetningu og dýpka lesskilning sinn
• nýta sér helstu ritreglur til að bæta eigin ritfærni
• vinna skapandi verkefni, t.d. í tengslum við vinnu með texta
• nota viðeigandi hjálpargögn við frágang eigin texta