STÆF1DL04S - Stærðfræði daglegs lífs

Lýsing

Áfangalýsing:

Í áfanganum er unnið með stærðfræði daglegs lífs með fjölbreyttum nálgunum.Lögð er áhersla á að tengja stærðfræðilega þekkingu við raunveruleg verkefni og aðstæður sem nemendur mæta í daglegu lífi. Það verður meðal annars gert með mismunandi verkefnavinnu, í gegnum veraldarvefinn, notaðir verða tilboðsbæklingar og spil. Stefnt er að því að viðhalda og byggja ofan á þann grunn sem nemandi hefur þegar tileinkað sér.

Markmið:

Nemandi skal hafa öðlast þekkingu og skilning á:

• Hvar og hvenær stærðfræði kemur við sögu í daglegu lífi

• Metrakerfinu og ólíkum mælieiningum

• Gildi peninga

• Klukku, mismunandi tímabelti og tímaáætlanir

• Hvernig greina má einfaldar tölulegar upplýsingar, til dæmis úr töflum

Nemandi skal hafa öðlast leikni í að:

• Nýta sér stærðfræðikunnáttu sína í daglegu lífi

• Fylgja dagsskipulagi og tímaáætlun

• Skilja og vinna með hugtök

Nemandi skal geta hagnýtt þá almennu þekkingu og leikni sem hann hefur aflað sér til að:

• Taka þátt í stærðfræðilegum athöfnum daglegs lífs

• Átta sig á tíma- og dagssetningum

• Draga saman upplýsingar og átta sig á þeim

• Geta skipulagt tíma sinn

• Skilja einfaldar tölulegar upplýsingar sem gagnast þeim í daglegu lífi