ÍSLE1FT04S - Fjölmiðlar og tækni

Lýsing

Áfangalýsing:

Fjölmiðlar, gervigreind, hjálparforrit og fleira er uppistaða námsefnis í áfanganum. Unnið er með fjölbreytt málefni líðandi stundar í ýmsu samhengi. Stuðst er við fjölmiðla, gervigreind, samfélagsmiðla, hjálparforrit og fleira. Fréttir og málefni líðandi stundar skoðuð með gagnrýnum hætti. Lögð er áhersla á að meta trúverðugleika upplýsinga og verndun persónuupplýsinga ásamt öruggri netnotkun. Fræðsla um hvernig góð samskipti í hópi og á netmiðlum geta farið fram og nemendur þjálfaðir í að tjá skoðanir sínar í ræðu og riti.

Markmið:

Þekkingarviðmið - Nemandi skal hafa öðlast þekkingu og skilning á:

• málefnum líðandi stundar á eigin forsendum

• forritum og öðru sem aðstoðað geta við nám

• ólíkum gerðum fjölmiðla

• samskiptum í hópi og á samfélagsmiðlum

Leikniviðmið - Nemandi skal hafa öðlast leikni í að:

• nýta sér og njóta þeirra fjölmiðla sem henta honum best

• nota forrit/hjálparsíður til náms

• tjá sig um málefni líðandi stundar

• geti beitt gagnrýnni hugsun við notkun fjölmiðla og annarra netmiðla

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• fylgjast með því sem er í umræðunni hverju sinni

• nýta sér t.d. gervigreind til náms

• tjá skoðanir sínar í ræðu og riti

• geti lagt mat á trúverðugleika upplýsinga