NÁLÆ1LÍ03S - Náttúrulæsi 2 á starfsbraut

Lýsing

Áfangalýsing:

Í áfanganum er áhersla á að nemendur auki þekkingu og skilning á umhverfi sínu og hvernig samspil manns og náttúru birtist okkur í daglegu lífi. Nemendur eiga að þjálfast í að nota upplýsingar á gagnrýninn hátt. Nemendur skulu kynnast grunnþáttum og hugtökum náttúruvísindagreina. Þeir eiga þroska með sér vitund á vistkerfum, áhrifum erfða á manninn og hvaða áhrif maðurinn hefur á þróun dýra og plantna.

Markmið:

Nemandi skal hafa öðlast þekkingu og skilning á:

• nánasta umhverfi sínu

• áhrifum mannsins á náttúruna

• helstu hugtökum náttúruvísinda

• mikilvægi sjálfbærni í samfélagi sínu

• helstu tegundum dýra og plantna

Nemandi skal hafa öðlast leikni í að:

• lesa og skilja texta, myndrit og kort af ýmsu tagi

• afla sér upplýsinga um umhverfi sitt

• meta upplýsingar á gagnrýninn hátt

• skilja samspil manns og náttúru

• miðla upplýsingum og skoðunum í ræðu og riti

Nemandi skal geta hagnýtt þá almennu þekkingu og leikni sem hann hefur aflað sér til að:

• bera virðingu fyrir skoðunum og lífsgildum annarra

• vera virkur og ábyrgur þátttakandi í lýðræðissamfélagi

• vera meðvitaður um margvíslegar auðlindir náttúrunnar

• skilja hvernig vistkerfi jarðar setur manninum takmarkanir

• meta gildi upplýsinga um umhverfi og náttúru á gagnrýninn hátt

• bera virðingu fyrir umhverfi sínu og náttúru

• nýta sér margvíslega tækni í þekkingarleit

• þekkja stöðu Íslands í umhverfismálum