LÍFS1HN01S - Lífsleikni með áherslu á heilbrigði og velferð

Lýsing

Áhersla er á andlegt, líkamlegt og félagslegt heilbrigði. Einnig er unnið með samspil einstaklings, aðstæðna og umhverfis. Notast verður við atburði líðandi stundar sem umræðuefni og sögulegar staðreyndir. Megin áhersla verður á að nemandinn viðhaldi og byggi ofan á þann grunn sem hann þegar býr að.

Markmið:

Þekkingarviðmið - Nemandi skal hafa öðlast þekkingu og skilning á:

• mikilvægi þess að nýta hæfileika sína
• mikilvægi þess að borða hollt og gott
• mikilvægi hreyfingar og hvíldar
• hugtökunum hollusta, hvíld, hreyfing, hreinlæti, hamingja og hugrekki

Leikniviðmið - Nemandi skal hafa öðlast leikni í að:

• skoða og meta eigið heilbrigði og eigin velferð
• vinna með öðrum
• taka tillit til annarra
• sýna samkennd
• taka þátt í umræðum og tjá eigin skoðanir

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• vera meðvitaður um styrkleika sína
• spyrja spurninga og hlusta á sjónarmið annarra af víðsýni
• tileinka sér jákvætt hugarfar
• auka eigið heilbrigði og velferð