HREY1ST01S - Íþróttir með áherslu á stöðvaþjálfun

Lýsing

Áfangalýsing:

Áfanginn er verklegur og fer fram í íþróttasal (M11) eða utandyra. Áhersla er lögð á grunnþættina þol, styrk og liðleika og nemendur gera ýmsar æfingar á stöðvum sem auka þessa þætti. Leitast verður við að æfingar hæfi getur og áhuga hvers og eins. Farið verður í æfingar til að bæta líkamsstyrk, s.s. æfingar með eigin líkamsþyngd.

Markmið:

Þekkingarviðmið:

Nemandi skal hafa öðlast þekkingu og skilning á:

• að hreyfing er holl og góð fyrir líkamann

• að fara ekki of geyst af stað

• þeim hættum sem geta leynst í tækjasal

• mikilvægi þess að gera æfingar rétt til þess að forðast meiðsli og hámarka árangur

• helstu æfingum og hvaða vöðvahóp þær eru að þjálfa

Leikniviðmið
Nemandi skal hafa öðlast leikni í að:

• nota fjölbreytt líkamsræktartæki

• gera fjölbreyttar æfingar

• nota eigin þyngd jafnt og lóð í æfingum

• teygja eftir æfingar og auka liðleika

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• nýta sér styrktarþjálfun sem valkost í hreyfingu

• bæta líkamsástand sitt

• sækja tíma í líkamsræktarstöðvum og nýta sér þjónustu þeirra

• fara eftir reglum líkamsræktarsal

• gera reglulega hreyfingu hluta af sínu lífi