STÆF1HB04S - Stærðfræði með áherslu á fjármálalæsi

Lýsing

Í áfanganum er lögð megináhersla á fjármálalæsi í víðu samhengi. Farið verður yfir helstu persónulegu útgjöld í lífi fólks, heimilisbókhald og gildi þess að halda utan um eigin fjármál. Stefnt er að því að viðhalda og byggja ofan á þann grunn sem nemandinn hefur þegar tileinkað sér.

Markmið:

Þekkingarviðmið - Nemandi skal hafa öðlast þekkingu og skilning á:

• Mikilvægi réttinda og skyldna neytenda
• Mikilvægi þess að hafa yfirsýn yfir eigin útgjöld og tekjur
• Virkni greiðslukorta
• Að stundum þarf að forgangsraða í fjármálum

Leikniviðmið - Nemandi skal hafa öðlast leikni í að:

• Lesa launaseðil
• Byggja upp sparnað á einfaldan og hagkvæman hátt

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• Standa við þær skuldbindingar sem viðkomandi hefur sett sig í
• Halda utan um eigin fjármál með eða án aðstoðar