ÍÞRF3BK05 - Hjarta og blóðrás
blóðrás, hjarta, kraftur, þol
Einingafjöldi: 5
Þrep: 3
Forkröfur: ÍÞRF3BL05 eða sambærilegur áfangi
Þrep: 3
Forkröfur: ÍÞRF3BL05 eða sambærilegur áfangi
Í áfanganum er fjallað um starfsemi hjarta og blóðrásarkerfis, lungna- og taugakerfis og gerð vöðvaþráða. Einnig er fjallað um þol, kraft, hraða, liðleika, tækniþjálfun og markmiðsáætlanir. Farið er í gerð þjálfunaráætlana til lengri og skemmri tíma. Í áfanganum er fjallað um helstu grunnþætti íþróttasálfræðinnar. Skoðuð eru ýmis áreiti sem hafa áhrif á getu íþróttamanna. Fjallað er um spennu (streitu) og helstu spennuvalda, slökun og hugrækt af ýmsu tagi. Lögð er áhersla á að nemandinn öðlist þekkingu og skilning á eigin líkamsstarfsemi með það að markmiði að auðvelda honum að taka ábyrgð á eigin lífsháttum m.t.t. þess að viðhalda eigin heilbrigði.
Þekkingarviðmið
- starfsemi hjarta- og blóðrásarkerfis
- starfsemi lungna- og taugakerfis
- skipulagi þjálfunar til lengri og skemmri tíma
- mikilvægi góðrar þekkingar á tækni og leikfræði íþróttagreina
- helstu þjálfunaraðferðum og undirbúningi fyrir keppni
- muninum á einstaklings- og hópíþróttum
- áhrifum félagslegra þátta á íþróttamanninn
Leikniviðmið
- nota helstu þjálfunaraðferðir til að setja upp þjálfunaráætlun til lengri eða skemmri tíma
- beita helstu aðferðum við að byggja upp þol, kraft, snerpu og liðleika
- framkvæma mælingar á þjálfunarástandi
Hæfnisviðmið
- meta þjálfunarástand og veita ráðleggingar þar að lútandi
- starfa með börnum og unglingum við íþróttaiðkun út frá líffræðilegum og sálfræðilegum forsendum
- skipuleggja grunnþjálfun hópa og einstaklinga með ákveðin markmið í huga
- vinna að auknu sjálfstrausti og sjálfsmynd í því skyni að bæta árangur