FRVV1SR03(AV) - Reglugerðir, verkferli og öryggismál
reglugerðir, skipulag og hönnun, öryggismál á byggingastað
Einingafjöldi: 3
Þrep: 1
Forkröfur: engar
Þrep: 1
Forkröfur: engar
Í áfanganum er fjallað um bygginga- og mannvirkjagerð með áherslu á reglugerðir, verkferli og öryggismál. Nemandinn lærir um undirbúning og upphaf framkvæmda, hlutverk og ábyrgð einstakra fagstétta, skipulag og stjórnun á vinnustað, samstarf og samskipti, áætlanagerð og gæðastýringakerfi. Kennd er notkun hlífðarbúnaðar, meðferð hættulegra efna og farið yfir notkun hjálpartækja og búnaðar við mismunandi verk. Nemandinn fær kynningu á grundvallaratriðum hollustuhátta og vinnuverndar og lærir um öryggismál á vinnustað. Einnig er nemandanum gerð grein fyrir námsleiðum í bygginga- og mannvirkjagreinum á framhalds- og háskólastigi.
Þekkingarviðmið
- grundvallaratriðum hollustuhátta og vinnuverndar og öryggismálum á vinnustað
- algengasta hjálparbúnaði í byggingaiðnaði
- varúðarráðstöfunum í óloknum byggingum og mannvirkjum
- hefðbundnu byggingaferli frá hugmynd til lokaúttektar
- grundvallaratriðum laga og reglugerða um skipulags‐ og byggingamál
- stíl‐ og fagurfræði bygginga og mannvirkja
- grunnatriðum gæðastjórnunar og verkskipulags
- réttindum og skyldum iðnaðarmanna
- námsleiðum í bygginga‐ og mannvirkjagreinum á framhalds‐ og háskólastigi
Leikniviðmið
- nota rétta líkamsbeitingu og viðeigandi hlífðarbúnað í starfi
- nota viðeigandi hjálparbúnað
- leita upplýsinga í reglugerðum um skipulags– og byggingamál
- leita upplýsinga í reglugerðum um öryggi og vinnuvernd
- vinna eftir mismunandi verkferlum
Hæfnisviðmið
- fylgja reglum um öryggismál á vinnustað
- vera meðvitaður um eigin ábyrgð og skyldur
- vinna samkvæmt byggingareglugerð
- fylgja gæðastýringu/eftirliti
- velja sér námsleið að loknu grunnnámi
- velja viðeigandi hjálparbúnað