HEFR1HO02 - Heimilisfræði með áherslu á hollustu og velferð
Hollusta og velferð
Einingafjöldi: 2
Þrep: 1
Þrep: 1
Í áfanganum er sérstaklega litið á heilbrigði og velferð, sjálfbærni og skapandi starf. Áhersla er lögð á hollustu, fjölbreytt fæðuval, samsetningu fæðutegunda, fæðuhringinn, nýtingu, sparnað, endurvinnslu og velferð nemenda í daglegu lífi. Nemendur leysa verkefnin á sjálfstæðan hátt en einnig í samvinnu við aðra. Að auki munu verkefnin tengjast hollustu, hagkvæmni og hagnýtingu.
Þekkingarviðmið
- að lesa úr mismunandi uppskriftum
- mikilvægi hollrar næringar og á fjölbreyttu fæðuvali
- mikilvægi sjálfbærni í daglegu lífi
- fæðuhringnum og samsetningu fæðunnar
- sjálfstæðum vinnubrögðum, samvinnu og verkaskiptingu
- hreinlæti og frágangi við matargerð, sparnaði og sóun
Leikniviðmið
- taka til viðeigandi hráefni
- lesa utan á umbúðir, sjá hvaða hráefni er í vörunni og úr hvaða fæðuflokkum
- viðhafa viðeigandi hreinlæti við matargerð
- skoða eigin neysluvenjur
- flokka umbúðir og afganga á réttan hátt
- nota viðeigandi búnað og hlífðarfatnað við eldhússtörf
- breyta uppskriftum til að gera þær hollari og prófa þær
- vinna sjálfstætt og í samvinnu við aðra nemendur
Hæfnisviðmið
- lesa og nýta sér mismunandi uppskriftir og vinna eftir þeim
- gera sér grein fyrir hvaðan hráefnið kemur, hvernig það er unnið og hvernig hægt er að nýta það á sem hagkvæman hátt með sjálfbærni í huga
- verða meðvitaðir um hollustu þess sem þeir neyta og áhrif þess á líkamann
- sýna hver öðrum virðingu, umburðarlyndi og vera fær um ýmis konar samvinnu
- nýta eigin hæfileika og frumkvæði í að skapa úr mismunandi hráefni með viðeigandi áhöldum og heimilistækjum
- skipuleggja flokkun og endurvinnslu á eigin heimili