TJSK1ÁL02 - Tjáskiptatækni með áherslu á daglegt líf

Megináhersla áfangans er að auka lífsgæði nemandans í að tjá sig á skilvirkan og uppbyggilegan hátt. Áhersla er á að efla nemandann í notkun tjáskiptaleiða sem henta hverju sinni. Notast verður við fjölbreytt viðfangsefni sem stuðla að því að styrkja sjálfstraust nemenda að eiga val til að hafa áhrif á daglegt líf sitt. Markmiðið er að nemandinn viðhaldi og byggi ofan á þann grunn sem hann býr að nú þegar.