ÍSLE3BA05 - Afþreyingarbókmenntir

Lestur bókmennta, bókmenntagreinar og afþreying, bókmenntasaga, bókmenntastefnur

Einingafjöldi: 5
Þrep: 3
Forkröfur: 10 einingar í íslensku á 2.þrepi

Í áfanganum verður hugtakið afþreyingarbókmenntir kynnt, rætt og skoðað í samhengi við bókmenntasöguna og menningu hvers tíma og álitamál. Farið verður yfir flokkun bókmennta og helstu bókmenntastefnur kynntar. Einnig verður rýnt í mismunandi greinar bókmennta, t.d. glæpasögur, ástarsögur, fantasíur, hrollvekjur o.fl. og skoðuð tenging þeirra við aðra miðla, s.s. sjónvarp, kvikmyndir, leikhús, tölvuleiki o.s.frv. Fjallað verður um afþreyingarbókmenntir í tengslum við fjöldaframleiðslu, markaðsmál og tækni. Unnin verða margvísleg verkefni þar sem lögð er áhersla á fjölbreyttar vinnuaðferðir, sjálfstæð vinnubrögð, skilvirka þekkingarleit, kunnáttu í meðferð og frágangi heimilda og skapandi hugsun. Megináhersla áfangans er þó á lestur og umræður um bækur.

Þekkingarviðmið

tengslum milli eldri forma afþreyingarbókmennta og nútímabókmennta
mismunandi greinum bókmennta
helstu bókmenntastefnum
sögu og þróun afþreyingarbókmennta
hvernig bókmenntir mótast af umhverfi sínu og tíðaranda hverju sinni
hvernig bókmenntir geta einnig haft áhrif á samtíma sinn s.s. í tengslum við jafnréttisbaráttu
grunnhugtökum í bókmenntafræði og beitingu þeirra
tengingu bókmennta við aðra miðla, s.s. sjónvarp, kvikmyndir, tölvuleiki o.fl
hlutverki bókmennta sem afþreyingu
skörun afþreyingarbókmennta við aðrar tegundir bókmennta, s.s. fagurbókmenntir
grundvallarreglum við byggingu og uppsetningu ritsmíð
frágangi og skráningu heimilda
notkun heimilda og hjálpargagna í tengslum við verkefnavinnu

Leikniviðmið

beita helstu hugtökum bókmenntafræðinnar þegar fjallað er um einkenni og form bókmenntategunda
lesa og fjalla um bókmenntir á gagnrýninn og fræðilegan hátt
flytja skýra, vel uppbyggða kynningu og geta lagt áherslu á meginþætti og atriði sem skipta máli
taka þátt í og stuðla að málefnalegum umræðum eða rökræðum um bókmenntir
skoða og fjalla á málefnalegan hátt um tengsl bókmennta við aðra miðla
vinna að skapandi verkefnum í tengslum við afþreyingarbókmenntir
draga saman og nota á viðurkenndan og gagnrýninn hátt upplýsingar úr hvers kyns heimildum og meta áreiðanleika þeirra
rita heimildaritgerð þar sem gagnrýninni hugsun er beitt
ganga frá heimildaverkefnum með viðurkenndum hætti
tjá rökstudda afstöðu um bókmenntir, útskýra sjónarmið og taka virkan þátt í málefnalegum umræðum til að komast að vel rökstuddri niðurstöðu
flytja af öryggi lýsingar og kynningar á verkefnum sínum, hver fyrir sig og með öðrum

Hæfnisviðmið

dýpka lesskilning sinn
auka og bæta við orðaforða og málskilning
auka skilning sinn á mikilvægi afþreyingarefnis og hvaða lögmálum það lítur í samfélaginu
auka skilning sinn og þekkingu á mannlegu atferli í gegnum lestur skáldverka
nýta sér sköpunarmátt íslenskunnar til að semja eigið verk
skrifa skýran og vel uppbyggðan texta
taka þátt í málefnalegum umræðum, tjá afstöðu sína og efasemdir um efnið og komast að rökstuddri niðurstöðu
greina aðalatriði og beita gagnrýnni hugsun við lestur, túlkun og úrvinnslu krefjandi texta
átta sig á samfélagslegum og pólitískum skírskotunum, duldum boðskap og hugmyndum
flytja kynningar á verkefnum af öryggi
beita skýru, vönduðu og blæbrigðaríku máli í ræðu og riti
vinna skapandi verkefni í tengslum við námsefnið og sýna frumkvæði í verkefnavali og úrvinnslu

Nánari upplýsingar á námskrá.is