ENSK3FV05 - Félagsvísindaenska

Fagmál, bókmenntir, félagsvísindi, ritun

Einingafjöldi: 5
Þrep: 3
Forkröfur: 10 einingar af 2. þrepi

Áfanginn er ætlaður nemendum á félags- og hugvísindabraut. Meginmarkmið áfangans er að auka og auðga orðaforða, efla skilning á grundvallarhugtökum félags- og hugvísinda, þjálfa lestur faglegra texta og skáldverka sem fjallað er um á fræðilegan hátt, hagnýta sérhæfðan orðaforða t.d. með ritun útdrátta, heimildaritgerða og kynninga. Lögð er áhersla á að nemendur vinni sjálfstætt og í hópum með fjölbreytt efni og margvísleg verkefni innan hugvísindanna.

Þekkingarviðmið

orðaforða, málstofnum, orðmyndun og öðru sem gerir nemanda kleift að tileinka sér lesefni sem tengist félags- og hugvísindum í áframhaldandi námi og starfi
ólíkum menningarheimum með áherslu á víðsýni, umburðarlyndi og gagnrýna hugsun t.d. varðandi lýðræði, mannréttindi, trú, kynhneigð, kynþátt og þjóðerni
því sem einkennir talað og ritað mál í félags- og hugvísindum

Leikniviðmið

skilja sérhæfða texta á sviði félags- og hugvísinda
lesa sér til gagns almenna og krefjandi texta og vinna með þá
beita ritmáli í mismunandi tilgangi með stílbrigðum og málsniði sem á við, t.d. útdrætti, heimildarritgerðir og kynningar
hlusta á og taka þátt í fyrirlestrum, umræðum og rökræðum um fræðileg efni á sviði félags- og hugvísinda í þeim tilgangi að miðla til annarra
nota orðaforða félags- og hugvísinda til að tjá sig um margvísleg málefni

Hæfnisviðmið

nýta sér texta, umræður og rökræður um fræðileg málefni
hagnýta sér fræðitexta og meta heimildir á gagnrýninn hátt
geta flutt vel uppbyggða frásögn, kynningu eða greinargerð, dregið fram aðalatriði og rökstutt mál sitt nokkuð nákvæmlega með dæmum og geta brugðist við spurningum
nota rithefðir sem eiga við í textasmíð hverju sinni
rökstyðja mál sitt í ræðu og riti
geta útskýrt flókna texta og nýtt faglegan orðaforða á lipran og skýran hátt í ritun og tali
geta metið og aflað heimilda eftir mismunandi leiðum s.s. af neti, bókasafni og öðrum upplýsingaveitum samkvæmt þeim venjum sem gilda um heimildavinnu

Nánari upplýsingar á námskrá.is