ÍSLE1LB04 - Upprifjunaráfangi í íslensku
bókmenntir, læsi, ritun, stafsetning
Einingafjöldi: 4
Þrep: 1
Forkröfur: Áfanginn er ætlaður nemendum sem ekki hafa lokið grunnskóla með fullnægjandi árangri að mati skólans.
Þrep: 1
Forkröfur: Áfanginn er ætlaður nemendum sem ekki hafa lokið grunnskóla með fullnægjandi árangri að mati skólans.
Í þessum áfanga verða helstu undirstöðuatriði stafsetningar og málfræði, ritunar og framsagnar rifjuð upp. Auk þess verður farið í helstu grunnhugtök í bragfræði, stílbrögðum og myndmáli ljóða. Unnið verður markvisst að því að bæta læsi nemenda í víðum skilningi, auka lesskilning og lestrarhraða með lestri ýmiss konar texta, m.a. skáldsögu. Ritun verður æfð með markvissum hætti og farið í undirstöðuatriði í byggingu ritsmíða. Nemendur verða þjálfaðir í að nýta sér hjálpargögn s.s. yfirlestrarforrit og orðabækur/tölvuorðabækur til að bæta og lagfæra eigin texta. Verkefni verða fjölbreytt og reyna á mismunandi hæfni nemenda, s.s. sköpunarhæfni. Nemendur vinna og kynna verkefni sín ýmist einir og/eða með öðrum.
Þekkingarviðmið
- grunnhugtökum í stafsetningu
- helstu reglum í tengslum við ritun
- grunnhugtökum í bókmenntafræði
- grunnhugtökum í ljóðagreiningu
- grunnatriðum málfræðinnar
- mikilvægum atriðum sem einkenna góða framsögn og umræður
- notkun hjálpargagna
- mikilvægi þess að geta heimilda
- mikilvægi þess að búa að góðri lestrarfærni, t.d. góðum lestrarhraða, lesskilningi og úthaldi við lestur
Leikniviðmið
- greina dægurlagatexta og hefðbundin ljóð með tilliti til myndmáls, stílbragða og bragfræði
- lesa sér til gagns og gamans skáld- og smásögur og greina inntak þeirra
- skrifa mismunandi gerðir texta
- tjá sig munnlega og skriflega
- taka aðalatriði úr texta og átta sig á meginefni hans
- beita viðeigandi hjálpargögnum við frágang ritsmíða
- vinna fjölbreytt verkefni þar sem reynir m.a. á sköpun og frumkvæði
Hæfnisviðmið
- fjalla um inntak skáld- og smásagna
- lesa og túlka texta þótt merkingin liggi ekki á yfirborðinu
- greina einföld atriði í málfræði og stafsetningu
- nýta sér helstu ritreglur til að bæta eigin ritfærni
- auka leshraða og dýpka lesskilning sinn
- kynna og ræða eigin efni og annarra
- vinna skapandi verkefni, t.d. í tengslum við vinnu með texta
- nota viðeigandi hjálpargögn við frágang eigin texta