HÖTE2FA06 - Fatasaumur og sníðagerð
fatasaumur, grunnsnið, vefjarefni
Einingafjöldi: 6
Þrep: 2
Forkröfur: engar
Þrep: 2
Forkröfur: engar
Í áfanganum lærir nemandinn að taka líkamsmál og vinna með stærðartöflur, grunnsnið og sniðútfærslur. Hann lærir á saumavél og lögð er áhersla á saumtækni með ýmsum gerðum af prufusaumi. Kennt er að leggja snið rétt á efni og reikna út efnisþörf. Saumaðar eru einfaldar flíkur. Nemandinn lærir um helstu vefjarefnin, eiginleika þeirra og vinnslu. Lögð er áhersla á að nemendur skilji vinnuferlið frá hugmynd að fullunninni flík og temji sér vönduð vinnubrögð við alla þætti ferlisins.
Þekkingarviðmið
- hvernig líkamsmál eru tekin og borin saman við stærðartöflur
- uppbyggingu grunnsniða, heitum og útliti ólíkra sniðhluta
- þráðréttu og mikilvægi saummerkinga á sniðum
- hvernig efnisþörf er reiknuð út frá sniðum
- notkun grunnsniða til að útfæra og sauma einfaldar flíkur
- hvernig sniðhlutar eru lagðir á efni eftir þráðréttu og saumför teiknuð inn á efnið
- saumtækni með prufusaumi, t.d. rennilás, hnappagöt og ýmsar gerðir af vösum
- heitum, eiginleikum og vinnslu vefjarefna t.d. ull, bómull, hör, silki, hálf- og algerviefnum
- mismunandi hráefnum og eiginleikum þeirra og framleiðsluferli hráefna úr trefjum í voðir
Leikniviðmið
- taka líkamsmál og skilja stærðartöflur
- útfæra einföld snið út frá grunnsniðum
- geta raða sniðhlutum á efni eftir þráðréttu
- teikna saumför, falda og aðrar merkingar á efni áður en klippt er
- nota saumavélar og þekkja notagildi stillinga, saumavélafóta og saumvélanála
- sauma einfaldar flíkur og saumtækniprufur
- greina á milli helstu vefnaðargerða
- lesa alþjóðlegar hráefnis-, innihalds- og meðferðarmerkingar á textíl
Hæfnisviðmið
- lesa úr stærðartöflum og aðlaga grunnsnið að mældum líkamsmálum
- nýta grunnsnið til að vinna einfaldar sniðbreytingar út frá eigin hugmyndum
- meta og nýta sér viðeigandi stillingar á saumavélum sem og fætur og nálar eftir efnum og saumtækniatriðum
- útskýra vinnuferlið frá hugmynd að fullunninni flík
- standa skil á vinnuskýrslu með teikningum og texta
- nýta sér orðaforða greinarinnar til að útskýra ferlið í samræðum og rituðum texta.
- meta hvaða textílefni hentar mismunandi flíkum eftir notagildi
- útskýra framleiðsluferli textílhráefna