OLFR3OV04 - Efnafræði olíu og vökva
ástand og mat á olíum og öðrum vökvum í vélum um borð í skipum
Einingafjöldi: 4
Þrep: 3
Þrep: 3
Nemandinn kynnist olíum og olíuvörum sem notaðar eru við rekstur aflvéla skipa (brennsluolíur, smurolíur, smurefni og leysiefni). Nemendur þjálfast í notkun mælitækja og efna til að gera prófanir á smurolíu, kælivatni og ketilvatni og aflað þannig upplýsinga til að
leggja mat á ástand og gæði vökvanna. Skoðað er bruna- og blossamark olíu, seigjumælingar á olíu, mælingar á basatölu olíu og vatnsmagni í olíu. Fast og fljótandi eldsneyti úr kolefnissamböndum. Fjallað er um vinnslu á olíu og hvað mælikvarðarnir oktantala, setantala og dísilindex segja til um brunaeiginleika eldsneytis. Einnig er fjallað um helstu eiginleika ketil- og kælivatns, hvað þarf að varast og hvers vegna.
Þekkingarviðmið
- eldsneytisnotkun, orkutapi og orkunýtingu
- eldsneytisgerðum, olíutegundum og staðbundnum einkennum olíu
- oktantölu, setantölu og dísilindex
- fullkomnum bruna og orsökum ófullkomins bruna
- tæringarvörnum ferskvatns- og sjókerfa
- útfellingum og áhrifum þeirra
- helstu eiginleikum smurolíu af mismunandi flokkum og meðferð hennar við daglegan rekstur véla
Leikniviðmið
- greina ástand kæli- og ketilvatns og bregðast við frávikum
- setja niðurstöður mælinga og athugana fram í skýrsluformi
- greina og meta ástand eldsneytis, smurefna og kælivökva út frá niðurstöðum sérhæfðra prófana
- gera mælingar og tilraunir með smurefni og kælivökva og skrá niðurstöður skilmerkilega
- halda utan um mæligögn á öruggan máta
Hæfnisviðmið
- afla upplýsinga um ástand smurolía og smurefna með mælitækjum
- útskýra staðbundin einkenni olíu og gera grein fyrir vinnslu á fljótandi eldsneyti og helstu eiginleikum þess
- taka ákvarðanir um viðbrögð ef niðurstöður mælinga gefa tilefni til
- meta upplýsingar, t.d. samanburð mældra gilda við eðlilegt eða æskilegt ástand
- setja fram efni og niðurstöður verkefna í skýrslu þar sem fram koma helstu mæliniðurstöður, útreikningar, línurit og ályktanir sem dregnar eru af niðurstöðum mælinga og tilrauna