FÉLA3KJ05 - Kynjafræði

Kynja– og jafnréttisfræðsla, samfélagsrýni

Einingafjöldi: 5
Þrep: 3
Forkröfur: ÍSLE2HS05 og 5 einingar í félagsfræði eða sambærilegir áfangar

Í áfanganum er fjallað um sögu jafnréttisbaráttu á Íslandi og stöðu jafnréttismála í dag; karl– og kvenmennsku, fjölmiðla, klámvæðingu, kynbundið ofbeldi, stjórnmál og margt fleira. Ýmsar birtingarmyndir kynjakerfisins skoðaðar og greindar. Lögð er áhersla á umræður og lýðræðislega nálgun í kennslunni, nemendur eru hvattir til að temja sér gagnrýna hugsun, vera virkir og hafa áhrif á efnisþætti áfangans. Áfanginn byggir á virkni og þátttöku nemenda þar sem reynir á sjálfskoðun, greiningu á umhverfi sínu og umræðum um eigin viðhorf og annarra.

Þekkingarviðmið

helstu hugtökum jafnréttismála
birtingarmyndum kynjaskekkju í nærsamfélagi
birtingarmyndum kynjaskekkju út frá alþjóðlegu sjónarhorni
sögu jafnréttisbaráttunnar og áfangasigrum
stöðu karla og kvenna í íslensku samfélagi fyrr og nú

Leikniviðmið

taka þátt í umræðum um algeng álitamál sem tilheyra kynjafræðinni
mynda sér skoðun á algengum álitamálum sem tilheyra kynjafræðinni
rýna í menningu og átta sig á stöðu kynjanna eins og hún birtist þar
meta jafnrétti út frá menningarlegum gildum samfélagsins

Hæfnisviðmið

útskýra skoðanir sínar m.t.t. kenninga kynjafræðinnar og hugtaka
fjalla um samfélagið út frá sjónarhorni kyns og kynferðis með gagnrýnum augum og tengja hugmyndir kynjafræðinnar við eigin veruleika
skilja helstu orsakir kynjaskekkjunnar samkvæmt hugmyndum kynjafræðinnar
tengja menningu, gildi og verðmæti samfélagsins við eigið líf
ígrunda viðhorf sín
setja sig í spor annarra
dýpka skilning sinn á samfélaginu sem hann býr í

Nánari upplýsingar á námskrá.is