UTL1024 - Upplýsingatækni á listnámsbraut
Áfangalýsing:
Í áfanganum fá nemendur að kynnast ýmsum hliðum upplýsingatækninnar. Farið verður yfir grunnatriði í tölvumálum og reglur sem gilda í tölvusamskiptum og í umgengni við tölvukerfi skólans. Áhersla er lögð á að nemendur læri grunnatriði í myndvinnslu og vektorteikningu og að þeir þekki vinnuumhverfi myndvinnsluforritsins Gimp og teikniforritsins Inkscape. Auk þess fá nemendur kynningu á verkfærum sem liggja á vefnum sem notast má við til að búa til kynningar, geyma hugmyndavinnu, búa til einfaldar heimasíður o.fl.