SMH1036 - Smíði og hönnun rafeindatækja
Áfangalýsing:
Í þessum áfanga er lögð áhersla á hönnun og smíði rafeindarása og veitt innsýn í eðlisfræði íhluta. Smíðaður er einfaldur (FM) sendir og móttakari. Farið er í ákvæði fjarskiptareglugerðar er varða sendi- og móttökubúnað. Smíðaðar eru prentplötur fyrir einfaldar rafeindarásir og íhlutir lóðaðir á þær. Farið er í álóðun og aflóðun á yfirborðsásettum íhlutum (SMD). Nemendur leysa hönnunar-verkefni, tengja upp rásir, framkvæma mælingar og sannreyna niðurstöður út frá gefnum forsendum. Farið er vel í notkun hermiforrita til að prófa virkni rása áður en þær eru smíðaðar. Nemendur gera skýrslur um verkefni sín. Lögð er áhersla á vönduð vinnubrögð í hvívetna.