NOR1536 - Norska
Áfangalýsing:
Norska 153 er grunnáfangi ætlaður þeim sem ekki tóku norsku í grunnskóla. Í áfanganum er farið í grunn málfræðinnar, orðaforði aukinn með því að lesa, skrifa og hlusta á norsku. Einnig er áhersla lögð á að kynnast landi og þjóð og læra á og nýta sér fjölmörg verkfæri á netinu sem gagnast í tungumálanáminu. Nemendur fá aðgang að gagnvirkum síðum til að æfa sig í málfræði og einnig hljóðskrám þar sem málfræðin er útskýrð. Ritmálið sem kennt er á og lesið er bókmál en einnig kynnast nemendur aðeins textum sem skrifaðir eru á nýnorsku og hlusta á mismunandi mállýsku.