HTL2324 - Tískuteikning
Áfangalýsing:
Í áfanganum læra nemendur undirstöðuatriðin í tískuteikningu. Aðaláherslan verður lögð á æfingar fyrir tískuteikningar, stöðu líkamans, mismunandi stílbrigði og frágang teikninga. Helstu teikniáhöld eru notuð og einnig farið í litavinnu og litasamsetningar. Skoðuð eru form líkamans, jafnvægi, hlutföll, vaxtarlag og hreyfing. Unnið með skyggingu og áferðarteikningu í fatnaði svo nemendur geti skapað dýpt í teikningar sínar. Nemendur vinna með listrænan þátt tískuteikningar og hvattir til að gera tilraunir og þróa sig í átt að persónulegri túlkun og stíliseringu á teikningum sínum. Frágangur og uppsetning verkefna í ferilmöppu til kynningar er svo í lok áfangans.