HTL207E - Hönnun og textíll
Undanfari: SJL203 og HTL103
Áfangalýsing:
Nemendur læra að þekkja helstu vefjarefnin, eiginleika þeirra og vinnslu á t.d. ull, bómull, hör, silki og hálf- og algerviefni. Til þess að nemendur skilji betur hvernig vefjarefni verða til fá þeir æfingu í því að kemba og spinna ull, prjóna og vefa og þæfa úr henni prufur. Nemendur læra meðhöndlun og blöndun lita fyrir mismunandi vefjarefni og garn . Nemendur læra einnig blöndun og notkun litar og hjálparefna sem notuð eru við að mála og þrykkja lit á efni og læra að tileinka sér þær með tilraunum og prufuvinnu. Farið verður í vettvangsferðir og heimsóknir á vinnustofur listamanna, á söfn og í fyrirtæki þar sem nemendur fá meðal annars tækifæri til að kynnast vinnslu á prjónavöru, skinnum og ull. Lögð er áhersla á fagleg, frumleg og sjálfstæð vinnubrögð. Nemendur skila góðri hugmynda- og prufumöppu með greinagóðum og upplýsandi texta ásamt dagbók yfir vinnu sína í áfanganum. Nemendur vinna síðan efni þar sem þeir sýna fram á notkun þess í tengslum við aðra áfanga t.d. FAT 203 og HTL 404 -503 og 603.