FFM1012 - Fagfræði matreiðslu I
Áfangalýsing:
Í áfanganum læra nemendur að tengja saman hugmyndavinnu og raunveruleg verkefni. Þeir kynnast innkaupa- og uppskriftarkerfi skólans og læra m.a. um framleiðslustaðla og fræðilegan og raunverulegan hráefniskostnað. Nemendur vinna verkefni er tengjast undirbúningi verklegra kennslustunda og lögð er áhersla á að þeir skili lausnum sem byggja á skilgreindum tímamörkum verklegra kennslustunda. Nemendur eru hvattir til að þróa nýjar hugmyndir byggðar á sígildri matreiðslu. Nemendur vinna verkefni sem lúta að litasamsetningu og framsetningu rétta.