Kvöldskóli - húsasmíði
Verkmenntaskólinn á Akureyri býður upp á kvöldskólanám í húsasmíði, frá haustönn 2021. Námið tekur fjórar annir. Miðað er við að nemandi hafi náð 23 ára aldri og/eða hafi viðeigandi starfsreynslu. Nemendur sem hafa undirgengist raunfærnimat fá viðkomandi áfanga metna. Ef fleiri sækja um nám á brautinni en skólinn getur tekið við getur inntökuviðmið orðið hærra en lágmarkið.
Alla jafna er kennt er þrjá daga í viku, mánudaga til miðvikudaga frá kl 17:00-21:00. Kennsla hefst 23. ágúst og stendur í 16 vikur. 100% mætingar er krafist í náminu.
Kennt verður samkvæmt samþykktri námsbraut VMA í húsasmíði og verða bæði verklegar og fagbóklegar námsgreinar kenndar í kvöldskóla og að hluta til í dreifnámi. Almennar greinar s.s. íslenska og stærðfræði þurfa nemendur að taka í dagskóla, fjarnámi eða hjá símenntunarmiðstöðvum en æskilegt er að almennum greinum sé að mestu lokið. Námið er verkefnamiðað og farið verður eftir hæfniviðmiðum sem kveðið er á um í ferilbók.
Húsasmiður er lögverndað starfsheiti og húsasmíði er löggild iðngrein. Markmið námsins er að gera nemendum kleift að takast á við þau viðfangsefni sem húsasmiðir inna af hendi, þ.e. nýsmíði og viðhald mannvirkja, bæði stór og smá. Námið samanstendur af bóklegu námi í skóla og verklegu námi á vinnustöðum. Nám sem fer fram á vinnustað er samtvinnað bóklega náminu út námstímann og hefur að markmiði að þjálfa nemendur í vinnuferlum, auka vinnufærni þeirra á atvinnumarkaði, þjálfa samvinnu á vinnustað og auka getu nemenda til þess að takast á við raunverulegar aðstæður úti í atvinnufyrirtækjum.
Við lok húsamíðanámsins staðfesta nemendur kunnáttu sína og færni í sveinsprófi er veitir rétt til starfa í iðninni og til inngöngu í nám til iðnmeistaraprófs.
Námið felst í bóknámi og verknámi í skóla og starfsþjálfun á vinnustað. Náminu lýkur með burtfararprófi úr framhaldsskóla og sveinsprófi þegar nemandinn er tilbúinn.
Skipulag námsins á annir - birt með fyrirvara um breytingar.
| 1. önn | 2. önn | 3. önn | 4. önn |
| GRUN1FF04 | GRUN2ÚF04 | TEIV2BT05 | ÁÆST3VG05 |
| TRÉS1AB01 | BURÐ3BK03 | TEIV2GH05 | LOVE3ÞR06 |
| TRÉS1SL06 | TIMB3VS10 | INNA2IK03 | MÓTA3US03 |
| TRÉS2NT04 | TSVÉ2FT02 | TRÉS2II10 | TEIV3ÞT05 |
| TRÉS2PH10 | EFRÆ1BV05 | FRVV1SR03 | TRÉS3SH03 |
| VIÐB3VE03 |
Nánari upplýsingar veitir Anna María Jónsdóttir sviðsstjóri verknáms í síma 464-0300,anna.m.jonsdottir@vma.is