Sjúkraliðabraut

Sjúkraliðabraut er ætlað að undirbúa nemendur undir krefjandi störf við hjúkrun, endurhæfingu og forvarnir bæði á heilbrigðisstofnunum og á heimilum fólks þar sem reynir mikið á samskiptafærni og siðferðisvitund starfsmanna. Sjúkraliðanám getur verið góður grunnur fyrir frekara nám í heilbrigðisvísindum.

Inntökuskilyrði á brautina eru að nemendur hafi lokið kjarnagreinum grunnskóla með fullnægjandi árangri. Námsárangur í kjarnagreinum mun einnig hafa áhrif á inn á hvaða þrep nemandinn innritast. Ef fleiri sækja um nám á brautinni en skólinn getur tekið við getur inntökuviðmið orðið hærra en lágmarkið.

Nám á sjúkraliðabraut er 205 einingar og útskrifast nemendur með hæfni á 3. þrepi. Námstími er 3 – 4 ár og ætli nemandi að ljúka námi á 3 árum þarf hann að ljúka 68 einingum að jafnaði á ári. Til að standast námsmat í áfanga og fá heimild til að hefja nám í eftirfarandi áfanga þarf lágmarkseinkunnina 5. Reglur um námsframvindu eru birtar í skólanámskrá. Við námslok skal hlutfall eininga á 1. þrepi vera 17 - 33%, á 2. þrepi 33 - 50% og á 3. þrepi 17 - 33%.

Niðurröðun á annir

Nánari útskýringar á vali (samkvæmt brautarlýsingu)

*CC Val í sálfræði

**YY Val í íþróttum

VINN-áfangar - 4. önn - 3 vikur í byrjun janúar, 5. önn - 3 í vikur í september; 6. önn - 3 vikur í byrjun janúar.

*** Starfsþjálfun (ferilbók) má hefja eftir að nemandi hefur lokið vinnustaðanámi 4. annar brautar

Nauðsynlegt er að nemendur komi til sviðsstjóra og kynni sér ferilbók  áður en starfsþjálfunartímabil hefst. Fyrri starfsreynsla fæst ekki metin á móti starfsþjálfun.

Nánari brautarlýsing Námsferilsáætlun

 

Viðbótarnám til stúdentsprófs að loknu starfsnámi

Markmið með námsleiðinni er að uppfylla þær lágmarkskröfur sem aðalnámskrá framhaldsskóla setur til stúdentsprófs. Sérhæfing nemandans er fólgin í starfsnámi hans. Áfangar starfsnámsbrautar í þeim greinum sem taldar eru upp hér í töflu teljast með, t.d. ENSK2LS05 og ÍSLE2HS05 sem finna má á flestum starsfnámsbrautum, og þurfa nemendur því aðeins að bæta við sig þeim einingum í töflunni sem þeir hafa ekki þegar lokið í sínu starfsnámi.

Greinar
Íslenska	ÍSLE2HS05	ÍSLE2KB05	Íslenska á 3.þrepi	Íslenska á 3.þrepi
Enska	ENSK2LS05
Danska	DANS2OM05
Stærðfræði	STÆF2xx05 (5 ein/2. þrep)
Ensku-/stærðfræðival	ENSK/STÆF 5 einingar	ENSK/STÆF 5 einingar	ENSK/STÆF 5 einingar
Bóknámsval	5 eininga val