Iðnmeistaranám er í boði í fjarnámi fyrir þá sem lokið hafa sveinsprófi í iðngrein.
Afrit eða staðfesting á sveinsbréfi þarf að fylgja umsókn.
Námskrár með áfangalýsingum er að finna hér fyrir neðan.
| Almennt meistaranám | Málmiðngreinar |
| Rafiðngreinar | Byggingagreinar húsasmíði, múrsmíði, pípulagnir |
Eftirfarandi áfangar eru í boði í fjarnámi VMA:
| MEIS4BS05 | Bókhald og skjalavarsla | MEIS4FJ04 | Fjármál | MEIS4GS02 | Gæðastjórnun |
| MEIS4KL06 | Kennsla og leiðsögn | MEIS4RE05 | Rekstrarfræði | MEIS4ST06 | Stjórnun |
| MEIS4SF05 | Stofnun fyrirtækja | MEIS4SÖ03 | Sölufræði | MEIS4ÖU02 | Öryggi og umhverfi |
| Faggreinar byggingamanna (ekki kenndir á hverri önn) | |
| MMÆL4MS03 | Mælingar, verður kennt sem námskeið á Akureyri |
| MLÖR4MS02 | Lögfræði |
| MEFB4MS03 | Burðarþol og efnisfræði |
Nemendum sem taka námið með fullri vinnu er ráðlagt að skipta náminu í þrennt eða fernt. Á þremur önnum er passlegt að taka um 13 einingar/ 3 áfanga á önn en fjórskipt 2-3 áfanga á önn. Sérgreinar byggingamanna eru að jafnaði í boði á vorönn annað hvert ár en viðbót í raf- og málmgreinum sækja nemendur í aðra skóla eða annað námsfyrirkomulag. Þær greinar sem eru sameiginlegar öllu meistaranámi eru í boði á öllum önnum en sú staða gæti komið upp að hópar fyllist og nemendum er þá boðið pláss í öðrum áfanga eftir atvikum.
Vegna mikillar aðsóknar geta nemendur ekki vænst þess að fá fleiri en 3 áfanga á önn.
Hér er dæmi um hvernig hægt er að raða saman áföngum með svipuðu álagi í 3 annir. Athugið að það skiptir ekki máli í hvaða röð þessir pakkar eru teknir.
| 1 | 2 | 3 |
| MEIS4BS05 | MEIS4KL06 | MEIS4SF05 |
| MEIS4FJ04 | MEIS4RE05 | MEIS4ST06 |
| MEIS4SÖ03 | MEIS4GS02 | MEIS4ÖU02 |
Meistaranám við VMA er í boði fyrir allar starfsgreinar en neðantaldar greinar hafa sérgreinar sem hér segir:
- Byggingagreinar: Til viðbótar þarf 3 áfanga, 2 eru kenndir í fjarnámi og einn í staðlotu. Hafið samband við sviðsstjóra vegna þessara áfanga.
- Málmiðngreinar: Til viðbótar þarf 8 einingar í fagtengdum greinum, t.d. vélstjórnargreinar umfram vélvirkjanámið.
- Rafiðngreinar: Til viðbótar þarf 30 einingar í faggreinum hjá RAFMENNT.
Mat á námi til meistararéttinda