Listnáms- og hönnunarbraut - myndlistarlína (Staðfestingarnúmer 84)
Með námi á listnáms- og hönnunarbraut er lagður grunnur að listiðkun og frekara námi í listgreinum í sérskólum eða í skólum á háskólastigi. Menntun á listnáms- og hönnunarbraut stuðlar að eflingu sköpunargáfu sem gefur góðan grunn fyrir nám í öllum skapandi greinum sem tengjast manngerðu umhverfi, skemmtana-, tölvu-, tísku- og listheimi. Listnám veitir tækifæri til að þroska fjölbreyttan og persónulegan tjáningarmáta og dýpka skilning á menningu, samfélagi og umhverfi. Í kjarna listnáms- og hönnunarbrautar læra nemendur um grunnatriði sjónlista, listasögu og menningarlæsi. Á myndlistarlínu er lögð áhersla á frjálsa myndsköpun og myndlistargreinar eins og grafík, ljósmyndun, málverk, skúlptúr og teikningu. Auk þessa stunda nemendur almennt bóklegt nám.
Forkröfur
Inntökuskilyrði á brautina eru að nemendur hafi lokið kjarnagreinum grunnskóla með fullnægjandi árangri. Námsárangur í kjarnagreinum mun einnig hafa áhrif á inn á hvaða þrep nemandinn innritast. Ef fleiri sækja um nám á brautinni en skólinn getur tekið við getur inntökuviðmið orðið hærra en lágmarkið.
Skipulag
Á listnáms- og hönnunarbraut miðast kennsluaðferðir við að skapa jákvætt og uppbyggilegt umhverfi til náms í samvinnu við nemandann þar sem hann tileinkar sér sjálfstæð vinnubrögð og ræktar hæfni sína. Sérstaklega er hlúð að sköpunarkraftinum með því að örva skynjun, ímyndunarafl, tæknilega færni og gagnrýna hugsun. Nemendur fá stöðuga endurgjöf á vinnu sína. Kennsluaðferðir eru fjölbreyttar og fela m.a. í sér kveikju sem byggir á reynslu nemandans en jafnframt ákveðnu nýnæmi ásamt sýnikennslu þar sem kennarinn miðlar upplýsingum, sýnir vinnubrögð og lýsir hugtökum. Kennsluaðferðir fela einnig í sér vinnustofureynslu þar sem nemandinn lærir með því að gera, líkt og í eigin vinnustofu, tengingu við umhverfi þar sem vinna nemandans er sett í samhengi við umhverfi, listasögu og menningu ásamt ígrundun nemandans á eigin verkum og annarra þar sem hann leitast við að skilja og bæta eigin árangur.
Námsmat
Námsmat er fjölbreytt og tekur mið af fjölbreyttum kennsluháttum, þekkingar-, leikni og hæfniviðmiðum og ólíkum nemendum. Lögð er áhersla á leiðsagnarmat og símat sem gefur nemendum uppbyggilega og hvetjandi leiðsögn og metur vinnu þeirra jafnt og þétt yfir námstímann. Námsmat getur verið fólgið í símati og lokaprófi eða eingöngu símati. Nánari tilhögun námsmats kemur fram í námsmatsreglum skólans og kennsluáætlun hvers áfanga.
Reglur um námsframvindu
Námi á listnáms- og hönnunarbraut lýkur með stúdentsprófi. Brautin er 201 eining og útskrifast nemendur með hæfni á 3. þrepi. Námstími er 3 – 4 ár og ætli nemandi að ljúka námi á 3 árum þarf hann að ljúka 67 einingum á ári að jafnaði. Til að standast námsmat í áfanga og fá heimild til að hefja nám í eftirfarandi áfanga þarf lágmarkseinkunnina 5. Reglur um námsframvindu eru birtar í skólanámskrá. Við námslok skal hlutfall eininga á 1. þrepi vera 17 – 33% , á 2. þrepi 33 – 50% og á 3. þrepi 17 – 33%. Nemanda er heimilt að útskrifast með allt að 10% eininga á 4. þrepi.
Hæfnisviðmið
- hagnýta þá sérhæfðu þekkingu og leikni í myndlist til að útfæra verk sín
- sýna frumkvæði og skapandi nálgun við gerð verka
- sýna sjálfstraust og sjálfstæði í þróun hugmynda og áræðni við útfærlsu þeirra og túlkun
- nota ímyndunarafl, innsæi og tilfinningu við sköpun og framsetningu verka
- setja þekkingu á fagsviði sínu í samfélagslegt og alþjóðlegt samhengi
- gera sér grein fyrir fagurfræðilegu, siðferðilegu og samfélagslegu hlutverki lista
- skynja, greina, tjá sig um og meta eigin verk og annarra á ábyrgan og gagnrýninn hátt
- standa fyrir opinberri sýningu eða viðburði og miðla listrænum styrk sínum
- takast á við frekara nám, einkum á sviði lista og/eða hönnunar
- vera virkur þátttakandi í skólastarfinu og lýðræðissamfélagi
- tileinka sér víðsýni, gagnrýna hugsun og samkennd
- tjá og rökstyðja skoðanir sínar og niðurstöður á skýran hátt
| Námsgrein | 1. þrep | 2. þrep | 3. þrep | ||
|---|---|---|---|---|---|
| Danska | DANS | 2LN05 2OM05 | 0 | 10 | 0 |
| Enska | ENSK | 2LS05 | 0 | 5 | 0 |
| Ferilmappa | FEMA | 3FM02(AV) | 0 | 0 | 2 |
| Heilsufræði | HEIF | 1HN02(AV) 1HN02(AV) | 4 | 0 | 0 |
| Heilsa, lífsstíll | HEIL | 1HH02 1HH02(AV) | 4 | 0 | 0 |
| Heimspeki | HEIM | 2HK05 | 0 | 5 | 0 |
| Íslenska | ÍSLE | 2HS05(AV) 2KB05(AV) | 0 | 10 | 0 |
| Listir og menning | LIME | 2ML06(AV) 3MU04(AV) | 0 | 6 | 4 |
| ListaSaga | LISA | 1HN05 2RA05 3ÍS05(AV) 3NÚ05 | 5 | 5 | 10 |
| Lífsleikni | LÍFS | 1FN04 1SN01 1SN02 | 7 | 0 | 0 |
| Margmiðlun | MARG | 1MV03 2HG03 | 3 | 3 | 0 |
| Myndlist | MYNL | 2FF05 2GR04 2HU05 2LJ05 2MA05 2SK05 3LV05 3MÁ07(AV) 3MS05(AV) 3TS10(AV) | 0 | 29 | 27 |
| Náttúrulæsi | NÁLÆ | 1UN05 | 5 | 0 | 0 |
| Sjónlistir | SJÓN | 1LF05 1TF05 | 10 | 0 | 0 |
| Stærðfræði | STÆF | 2TE05(AV) | 0 | 5 | 0 |
| Einingafjöldi | 159 | 38 | 78 | 43 | |
| Námsgrein | 1. þrep | 2. þrep | 3. þrep | ||
|---|---|---|---|---|---|
| Þýska | |||||
| Þýska | ÞÝSK | 1HT05 1RL05 1RS05 | 15 | 0 | 0 |
| Einingafjöldi | 15 | 15 | 0 | 0 | |
| Spænska | |||||
| Spænska | SPÆN | 1HT05(AV) 1RL05 1RS05 | 15 | 0 | 0 |
| Einingafjöldi | 15 | 15 | 0 | 0 | |
| Efnafræði | |||||
| Efnafræði | EFNA | 2ME05 2EL05 3OH05 | 0 | 10 | 5 |
| Einingafjöldi | 15 | 0 | 10 | 5 | |
| Líffræði | |||||
| Líffræði | LÍFF | 3SE05 2LK05 2NÆ05 | 0 | 10 | 5 |
| Einingafjöldi | 15 | 0 | 10 | 5 | |
| Félagsfræði | |||||
| Félagsfræði | FÉLA | 1MS05(AV) 2FA05(AV) 3ML05 | 5 | 5 | 5 |
| Einingafjöldi | 15 | 5 | 5 | 5 | |
| Saga | |||||
| Saga | SAGA | 2SÍ05(AV) 1NM05(AV) 3EM05 | 5 | 5 | 5 |
| Einingafjöldi | 15 | 5 | 5 | 5 | |
| Sálfræði | |||||
| Sálfræði | SÁLF | 3GG05(AV) 2SF05 2SÞ05 | 0 | 10 | 5 |
| Einingafjöldi | 15 | 0 | 10 | 5 | |
| Uppeldisfræði | |||||
| Uppeldisfræði | UPPE | 2UK05 2FF05 3MU05 | 0 | 10 | 5 |
| Einingafjöldi | 15 | 0 | 10 | 5 | |