Félags- og hugvísindabraut (Staðfestingarnúmer 56)

Félags- og hugvísindabraut er ætlað að veita nemendum góða og almenna þekkingu á sviði félags- og hugvísinda. Auk kjarnagreina er lögð áhersla á félags- og hugvísindagreinar s.s. sálfræði, félagsfræði, heimspeki og uppeldisfræði, ásamt tölfræði. Brautin er góður undirbúningur fyrir háskólanám m.a. á sviði félags- og hugvísinda.

Forkröfur

Inntökuskilyrði á brautina eru að nemendur hafi lokið kjarnagreinum grunnskóla með fullnægjandi árangri. Námsárangur í kjarnagreinum mun einnig hafa áhrif á inn á hvaða þrep nemandinn innritast. Ef fleiri sækja um nám á brautinni en skólinn getur tekið við getur inntökuviðmið orðið hærra en lágmarkið.

Skipulag

Félags- og hugvísindabraut er bóknámsbraut og nám og kennsla fer fyrst og fremst fram í skólanum. Nemendur taka félagsfræði og sögu í kjarna og geta síðan valið hvaða greinum þeir vilja sérhæfa sig í en þeir þurfa að hafa 3. þreps hæfni í a.m.k. tveimur greinum. Kennsluaðferðir eru fjölbreyttar, byggja m.a. á leiðsagnarmati og miðast við að allir nemendur eigi kost á að nýta hæfileika sína og fá endurgjöf á verkefni sín. Lögð er áhersla á sjálfstæð vinnubrögð og vinnusemi nemenda. Námssamfélagið gengur út á samvinnu kennara og nemenda sem skapar jákvætt og uppbyggilegt umhverfi til náms og starfa.

Námsmat

Lögð er áhersla á leiðsagnarmat og símat sem gefur nemendum uppbyggilega og hvetjandi leiðsögn og metur vinnuframlag þeirra jafnt og þétt yfir námstímann. Námsmat er fjölbreytt og aðferðir taka mið af fjölbreyttum kennsluháttum, námsmarkmiðum og hæfni nemenda. Námsmat á brautinni er fólgið í símati og lokaprófi eða eingöngu símati. Nánari tilhögun námsmats s.s. skiladagar verkefna og vægi kemur fram í námsmatsreglum skólans.

Reglur um námsframvindu

Námi á félags- og hugvísindabraut lýkur með stúdentsprófi. Brautin er 200 einingar og útskrifast nemendur með hæfni á 3. þrepi. Námstími er 3 – 4 ár og ætli nemandi að ljúka námi á 3 árum þarf hann að ljúka 67 einingum að jafnaði á ári. Til að standast námsmat í áfanga og fá heimild til að hefja nám í eftirfarandi áfanga þarf lágmarkseinkunnina 5. Reglur um námsframvindu eru birtar í skólanámskrá. Við námslok skal hlutfall eininga á 1. þrepi vera 17 – 33% , á 2. þrepi 33 – 50% og á 3. þrepi 17 – 33%. Nemanda er heimilt að útskrifast með allt að 10% eininga á 4. þrepi.

Hæfnisviðmið

• efla eigin sjálfsmynd og nýta styrkleika sína
• sýna frumkvæði og takast á við ólík verkefni innan skólans sem utan
• vera virkur þátttakandi í skólastarfinu og lýðræðissamfélagi
• tileinka sér víðsýni, gagnrýna hugsun og samkennd
• búa yfir öflugri siðferðisvitund og ábyrgðarkennd
• beita skapandi og lausnamiðaðri hugsun við nám og störf
• lesa heimildir og rannsóknargögn á gagnrýninn hátt
• taka þátt í rökræðum um samfélagsleg efni
• tjá og rökstyðja skoðanir sínar og niðurstöður á skýran hátt
• gera sér grein fyrir samspili menningar, trúar, uppeldis, stjórnmála og hagþróunar
• beita fræðilegri hugsun og aðferðum við greiningu viðfangsefna, öflun upplýsinga, mælingar, mat, úrvinnslu og túlkun
• takast á við frekara nám, einkum í félags- og hugvísindum

Brautarkjarni

Námsgrein			1. þrep	2. þrep	3. þrep
Danska	DANS	2LN05 2OM05	0	10	0
Enska	ENSK	2LS05 3FV05	0	5	5
Félagsfræði	FÉLA	1MS05(AV) 2FA05(AV) 3ML05	5	5	5
Heilsufræði	HEIF	1HN02(AV) 1HN02(AV)	4	0	0
Heilsa, lífsstíll	HEIL	1HH02 1HH02(AV)	4	0	0
Heimspeki	HEIM	2HK05	0	5	0
Íslenska	ÍSLE	2HS05(AV) 2KB05(AV)	0	10	0
Lífsleikni	LÍFS	1FN04 1SN01 1SN02	7	0	0
Lokaverkefni	LOVE	3SR05	0	0	5
Náttúrulæsi	NÁLÆ	1UN05 2AS05	5	5	0
Saga	SAGA	1NM05(AV) 2SÍ05(AV)	5	5	0
Stærðfræði	STÆF	2LT05 2TE05(AV) 3ÖT05	0	10	5
Einingafjöldi		105	30	55	20

Bundið pakkaval

Námsgrein			1. þrep	2. þrep	3. þrep
Þýska
Þýska	ÞÝSK	1HT05 1RL05 1RS05	15	0	0
Einingafjöldi		15	15	0	0
Spænska
Spænska	SPÆN	1HT05(AV) 1RL05 1RS05	15	0	0
Einingafjöldi		15	15	0	0

Frjálst val

Nemendur á brautinni hafa 18 einingar í frjálsu vali og þurfa að uppfylla skilyrði um þrepaskiptingu stúdentsprófs sem sett eru fram í aðalnámskrá.