Opið hús á listnámsbraut í kvöld

Áhugavert opið hús á listnámsbraut í kvöld.

Fastur liður í lok hverrar annar er sýning nemenda á listnáms- og hönnunarbraut þar sem þeir sýna afrakstur vinnu sinnar. Að kvöldi þessa síðasta kennsludags VMA á vorönn er komið að opna húsinu á listnáms- og hönnunarbraut - í húsnæði brautarinnar - kl. 20:00 - 21:30 í kvöld.

Námið á listnáms- og hönnunarbraut er fjölbreytt og því er margt áhugavert að sjá á sýningunni. Myndlistin er af ýmsum toga - málverk, skúlptúrar, ljósmyndir og allt þar á milli. Og á textílsviðinu gefur að líta flíkur af ýmsum toga og vefnað. Hér má sjá bara obbolítið brot af vinnu nemenda á brautinni.