FERÐ2ÍS05 - Ferðamál 1
Hefur þú áhuga á ferðalögum? Langar þig að kynnast heiminum betur? Langar þig í óvissuferð til Evrópu? Þá eru Ferðamál 1 og 2 eitthvað fyrir þig!
Í þessum fyrri áfanga kynnast nemendur ýmsum hliðum ferðaþjónustu, m.a. gerð kynningarmyndbanda, skipulagningu bakpokaferðalags og hvernig megi laða ferðamenn að með grípandi bæklingum. Nemendur fara líka í starfskynningar í ferðaþjónustufyrirtæki á svæðinu.
Ferðamál er röð tveggja áfanga sem endar með óvissuferð í seinni áfanganum.
Áfanginn er símatsáfangi og eru verkefnin unnin að mestu á íslensku og ensku, einhver smærri verkefni eru á dönsku og þýsku eða frönsku. Ekki er hægt að taka Ferðamál 2 nema vera búinn með þennan áfanga.
Námsmat: Áfanginn er símatsáfangi.
Námsgögn og kostnaður: Ekki þarf að kaupa neinar kennslubækur. Nemendur þurfa að greiða fyrir óvissuferðina en kostnaði er haldið í lágmarki.