Aftur í skólann á nýju ári
Þar með er vorönnin hafin. Kennsla samkvæmt stundaskrá hófst í gær.
Á vorönn stunda um 930 nemendur nám í skólanum sem er eins og jafnan áður töluvert færri nemendur en á haustönn. Af þessum 930 nemendum eru, að sögn Benedikts Barðasonar aðstoðarskólameistara VMA, rösklega 120 nemendur sem hefja nú nám í skólanum, annað hvort fyrrverandi nemendur sem eru að koma til baka til að ljúka námi, t.d. á lokaönn iðnnáms, eða nýir nemendur úr öðrum skólum.
Á vörönn eru m.a fjórtán nemendur í pípulögnum og stefna á brautskráningu í vor. Pípulagningamenn hafa ekki lokið námi frá VMA síðan árið 2011.
Á haustönn var unnið marvisst að flokkun úrgangs í skólanum og áfram verður haldið áfram á sömu braut núna á vorönn, segir Benedikt. „Á þessari önn verður tilraunaverkefni í A- og D-álmu. Þar verða settar upp flokkunarstöðvar og fötur fjarlægðar úr skólastofum,“ segir Benedikt.
Nemendur í dagskóla eru sem sagt byrjaðir samkvæmt stundaskrá en fjarnámið er ekki komið í gang. Frestur til þess að sækja um fjarnámsáfanga rann út í gær en kennsla í fjarnáminu hefst nk. mánudag, 14. janúar.
Eins og jafnan í upphafi annar leggja margir nemendur fram óskir um breytingar á stundatöflum sínum. Frestur til þess að sækja um breytingar er til hádegis á morgun, miðvikudaginn 9. janúar. Sjá nánar hér.