Vöruhönnun nýr valáfangi
Á vorönn verður í boði í VMA nýr og áhugaverður áfangi í vöru- eða iðnhönnun – VÖH173. Áfangann kennir Helga Jósepsdóttir vöruhönnuður og fullyrðir hún að hér sé á ferðinni afar áhugavert námsefni sem allir ættu að hafa gaman af að kynna sér, jafnt þeir sem eru í listnámi, hverskonar iðnnámi eða almennu bóknámi.
Helga segist á sínum tíma hafa tekið grunnnám málmiðnaðargreina í Verkmenntaskóla Austurlands í Neskaupstað en síðan hafi hún farið í nám í vöruhönnun í Madríd og lokið því og útskrifast frá Listaháskóla Íslands árið 2011. Núna starfar hún hjá Sandblæstri og málmhúðun á Akureyri.
„Vöruhönnun er mjög áhugavert fag sem fjallar meðal annars um ferlið frá því að fólk hugmyndir og þar til það hefur útfært þær. Einnig komum við inn á notkun mismunandi efna og hvernig fólk tileinkar sér ólíkar aðferðir við vinnslu og samsetningu,“ segir Helga í stuttri lýsingu á náminu. Hún hvetur nemendur úr ólíkum deildum VMA að skoða vel þennan áfanga, hann höfði sannarlega til fólks úr öllum áttum. Helga bætir við að áfanginn verði bæði byggður upp á fyrirlestrum og verklegu námi, m.a. verði farið í heimsóknir á ólík verkstæði.
Rétt er að taka fram að síðasti valdagur nemenda fyrir vorönn er 7. nóvember nk.