Vel heppnuð vika málm- og véltæknigreina í VMA
Í síðustu viku var haldin vika málm- og véltæknigreina í VMA í samvinnu við ýmis fyrirtæki og stéttarfélög
í greinunum. Það er einróma álit okkar sem að þessari viku komum að hún hafi gengið mjög vel má þar nefna vel sótt
málþing um samstarf atvinnulífs og skóla og opinn dagur í VMA á laugardaginn. Samstarf atvinnulífs og skóla hér á
svæðinu mun halda áfram að eflast og nokkur samstarfsverkefni þegar uppi á borðinu. Fagráð málm- og véltæknigreina hefur
verið stofnað með aðilum frá skólanum og úr fyrirtækjum á svæðinu.
Þá var haldin suðukeppni í rafsuðuhermi á laugardaginn þar sem m.a. þingmennirnir Björn Valur og Kristján Þór kepptu sín
á milli en ýmsir aðrir tóku þátt í keppninni sem margir fylgdust með. Þá kepptu nemendur í bifvélavirkjun í
ýmsum bilanagreiningum og leystu verkefni.
Sjá myndir í myndasafni
Ungir og efnilegir þessir !
Hollvinasamtök VMA voru stofnuð á málþinginu á mánudaginn og við hátíðarathöfn á opnu húsi á
laugardaginn tilkynnti Slippurinn að hann muni gefa Hollvinasamtökunum 1 milljón til tækjakaupa og kælitækniþjónustufyrirtækið Iðnval
gaf Hollvinasamtökunum 50 þúsund krónur. Báðir þessir aðilar hvetja lítil sem stór fyrirtæki til að styðja við
skólann þannig að atvinnulíf í þessum greinum eflist enn frekar á svæðinu.
Þingmenn einbeittir fyrir keppni
