Upphaf haustannar 2020

12. ágúst 2020 - Búið að breyta upphafi skólaársins 2020-2021 - sjá nánar í annarri frétt á heimasíðu skólans. 

Nú hefur skrifstofa skólans opnað að loknu sumarleyfi og er hún opin frá kl. 8:00-15:00. Lokað er í hádeginu frá kl 12-12:30. Undirbúningur haustannar er í fullum gangi og munu upplýsingar um upphaf kennslu, móttöku nemenda og stundatöflur koma inn á heimasíðu skólans þegar nær dregur. Kennsla hefst kl. 13:15 þann 18. ágúst.

 

Við förum inn í nýtt skólaár með COVID ívafi, og ljóst að skólastarfið mun að einhverju leyti vera litað af viðveru veirunnar. Vert er að minna á að skólinn fylgir fyrirmælum almannavarna um takmarkanir og því ómögulegt að segja til um hvernig fram vindur. Almannavarnir birta næstu upplýsingar um samkomutakmarkanir þann 13. ágúst og munu í framhaldinu koma upplýsingar um skólastarf inná heimasíðu VMA, eftir því sem tilefni er til.  

 

Vinsamlegast athugið að nemendur sem þurfa að leita sér upplýsinga varðandi stöðu umsókna eða annað tengt námsferli eru hvattir til að leita sér upplýsinga í gegnum síma eða tölvupóst. Nemendur sem koma á skrifstofu skólans eru minntir á 2 metra regluna og aðrar sóttvarnir.