Upphaf haustannar 2017
Töfluafhending fyrir nýnema og nýja nemendur verður föstudaginn 18. ágúst.
Nýnemar (nemendur sem eru að koma úr grunnskóla) mæta í Gryfjuna föstudaginn 18. ágúst kl. 8:00 til að fá stundatöflur sínar afhentar en í kjölfarið hitta nemendur umsjónarkennara sína. Mikilvægt er að allir nýnemar verði í Gryfjunni kl. 8:30 en þaðan fara þeir með umsjónarkennurum sínum í kennslustofu. Áætlað er að nemendur verði með umsjónarkennurum sínum í u.þ.b. klukkustund þar sem þeir fá ýmsar upplýsingar um upphaf skólagöngunnar í VMA. Kennsla hefst síðan samkvæmt stundatöflu kl.9:55 hjá öllum nemendum skólans.
Til að efla samstarf heimilis og skóla eru forráðamenn nýnema boðaðir á kynningarfund með námsráðgjöfum og stjórnendum í M01 föstudaginn 18. ágúst kl. 13-14. Á fundinum verður farið yfir ýmsar upplýsingar er varða skólastarfið.
Nánari upplýsingar varðandi skólann.
Opnað verður fyrir stundatöflur nemenda í Innu 17.ágúst. Fundur fyrir nýja nemendur (aðra en nýnema) verður haldinn föstudaginn 18.ágúst kl.9:00 í M-01, mikilvægt er að þeir sem hafa ekki áður verið í VMA eða hafa ekki verið nemendur skólans á síðasta skólaári komi á þann fund.
Kennsla hefst kl.9:55 föstudaginn 18. ágúst.
Skrifstofa skólans er opin kl. 8-15 virka daga. Námsráðgjafar koma til starfa 15.ágúst.
Hlökkum til skólaársins með ykkur.
Starfsfólk VMA