Fara í efni

Tímaritið 2020 er komið út

Tímaritið 2020 er komið út, en að útgáfu þess standa iðn- og starfsnámsskólar á Íslandi. Tilgangur blaðsins er að kynna og vekja athygli á fjölbreytni iðn- og starfsnáms en hægt er að stunda slíkt nám í nærri 60 greinum í 14 skólum víðs vegar um landið.

Nafn blaðsins vísar í skýrt og mælanlegt markmið skólanna sem er að 20% grunnskólanema skrái sig í iðn- eða starfsnám frá og með árinu 2020.

Blaðið kemur nú út í 3. sinn, það er prentað í 13.000 eintökum og verður því dreift til allra nemenda í 8., 9. og 10. bekk grunnskóla. 

Forsíðumyndina tók Unnur Magna af nemendum sem eru að útskrifast af mismunandi brautum framhaldsskóla. Merkingin á bak við litina á húfunum er mismunandi. Hvítu húfuna nota stúdentar, vínrauðu húfuna nota iðnnemar, s.s. húsasmiðir og rafvirkjar og gráa húfan er fyrir þá sem útskrifast af starfsbrautum, t.d. sjúkraliðar og félagsliðar. Allir nemendur sem innritast á iðn- og starfsnámsbrautir eiga þess kost að ljúka stúdentsprófi samhliða.

2020 er jafnframt hægt að skoða rafrænt.