Þrymur - tónlistarfélag VMA með tónleika í Gryfjunni í kvöld
Í kvöld kl. 20:00 heldur Þrymur – tónlistarfélag VMA – sína fyrstu tónleika í Gryfjunni. Á tónleikunum kemur fram hæfileikafólk í tónlist af ýmsum toga í VMA. Frítt verður inn á tónleikana en fólk getur keypt sér hressingu í sjoppu á vegum Þórdunu. Húsið verður opnað kl. 19:30.
Þrymur var settur á stofn sl. haust en tónleikarnir í kvöld eru fyrsta stóra verkefni félagsins. Að stofnun þess stóðu Ingimar Atli Knútsson, Haukur Sindri Karlsson og Friðrik Páll Haraldsson.Félagið hefur að markmiði að efla tónlistarlíf í skólanum og virkja þá tónlistarhæfileika sem vitað er að fjöldi nemenda býr yfir.
Á tónleikunum í kvöld koma fram Ari Rúnar Gunnarsson, Arndís Eva, Embla Sól Pálsdóttir, Karólína Rún Helgadóttir, Kristján Guðni Jónsson, Lúðvík Ragnar Friðriksson, Magnús Gunnar, Sindri Snær Konráðsson, Særún Elma Jakobsdóttir, Unnur Eyrún og Örn Smári Jónsson. Þessir nemendur hafa látið ljós sitt skína í Sturtuhausnum – Söngkeppni VMA og/uppfærslum Leikfélags VMA.
Í hljómsveit kvöldsins verða Jóhannes Stefánsson á gítar, Haukur Sindri Karlsson á píanó/trommur, Pétur Guðjónsson á trommur/píanó og Stu Ness á bassa. Wolfgang Frosti Sahr mun einnig spila á saxofón.
Freysteinn Sverrisson og Steinar Logi verða kynnar kvöldsins.