Sýning á lokaverkefnum brautskráningarnema á starfs- og sérnámsbrautum

Carmen Ósk Erlendsdóttir sýndi einskonar hljóðgervil sem hún hannaði og útbjó. Eitt af mörgum skemmtilegum lokaverkefnum á sýningunni í dag.

Í dag efndu brautskráningarnemar á starfs- og sérnámsbrautum skólans til sýningar á lokaverkefnum sínum og er óhætt að segja að fjölbreytnin hafi verið í fyrirrúmi, t.d. litabók, tölvuleikir, sérhannað borðspil, söngleikjamyndband o.fl. Sýning nemendanna var lokapunktur skólagöngu nemendanna í VMA. Á morgun er síðasti kennsludagur og framundan er útskrift 24. maí og síðan tekur sumarið við. 

VMA þakkar þessum dugmiklu krökkum fyrir samveruna síðustu ár og óskar þeim alls hins besta í framtíðinni.

Þessar myndir voru teknar á lokaverkefnasýningunni í dag.